Israel Nih Judah Miphun Hna Um Nak Dingah West Bank Ram Cu Inn 2,304 Sak Khawh Nak Inn Hmun A Samh Ko

Israel cozah nih Palestin ram a chuh mi West Bank ram ah cun Judah miphun hna um nak dingin hmun a tuah piak t’han hna.Israel nih Judah miphun hna um nak dingah inn hmun a samh mi ah hin inn 2,304 tluk a dir khawh nak hmun a si.Israel nih hi thil a tuah mi hi a luancia kum 2017 hnu in Inn hmun le ram kongah a voi khat nak a thil tuah mi a si tiah an chim.

Hi konghe pehtlai in NGO Peace Now hruaitu hna nih cun Israel Higher Planning Committee hruaitu pawl hna nih West Bank ram chungah Judah miphun pawl hna um nak dingin Inn hmun a samh mi hi voi tampi ton biaruahnak an tuah hnu lawngah hi ti bantuk in biachahnak an tuah mi hi a si tiah a chim.cun, khi hmun khi Israel nih Palestin ram a rak chuh mi hna cu a si tiah a chim.

 

Cun, Israel cozah nih West Bank ram chungah Judah miphun hna um nak dingah Inn hmun a samh mi ruangah hin Israel le Palestin karlak ah remdaih nak cu zei tik hmanh ah um khawh dawh a si ti lo.zeicatiah Israel nih Palestin ram a chuah mi hna hi Palestin nih Israel kut in lak t’han a timh peng ruang ah a tu tiangin kaphnih tam karlak ah remdaih nak a um khawh lo nak cu a si bik.

 

Israel prime minister Benjamin Netanyahu nih cun a luancia April thla lio i Israel ram ithimnak an rak ngeih lai teah khan a ram mipi hna sin ah West Bank ram chungah Judah miphun hna nih hna ngam tein an cawlcangh khawh nak ding caah Inn hmun ka samh piak hna lai tiah bia a rak kamh bal cang hna tiah an chim.kum 1967 lio ah khan Israel nih Palestin ram a si mi Nichuahlei Jerusalem khuapi le West Bank ram cu Palestin kut in a rak lak i khi hmun ah khin a tu ah Judah miphun hna nih um nak ah an hman cang.

Source: AF