Israel Nih Judah Miphun Humhim A Timh Tuk Ah UN Nih Mah Ti Bak Hin A Phomh Ko Cang

Israel nih Palestin ram bak a si mi a chuh mi hna Nichuah lei Jerusalem ram cu Judah miphun hna len nak ram le hmun ah ser a timh.Curuangah Middle East ram chungah UN nih palai a chiah mi Bulgarian Politician Pu Nickolay Mladenov nih faktuk in a soisel hna.Israel ram nih Judah miphun hna humhim nak ding caah tuah ai timh mithil hi an mah nih cun thil t’ha ngai ah an i ruah na in pakhat le pakhat karlak ah ral a chuahter tu a si lai.Palestinian state sersiam nak ding caah dawnkhantu lian bik a si pin ah Israel nih”international law” phunghram an buar ti nak a si a ti.

 

 

Cun, Israel nih Judah miphun hna humhim nak ding caah rian an t’uan ning cu US President elect Pu Joe Biden cozah nih an cohlang hrimhrim lai lo.hi thil an tuah mi nih Israel le Palestin karlak remdaihnak a tlau ter chin lai tiah a chim.tuchun ah Israel Land Authority nawlngaitu nih cun mah tin a chim,Nichuahlei Jerusalem ramkulh a si mi Givat Hamatos cu Judah miphun hna a tlawm bik 1,200 tal an um khawh nak dingah inn lo sak cawlh a si lai tiah nawl a chuah.hi kongah NGO Peace Now thawngzamhtu Brian Reeves nih cun mi tampi contractor nih an rian an thawk cang tiah a chim.

 

 

 

A ra lai mi January thla ah US President thar caah Pu Biden riankinh a si hlan hrimhrim ah Isreal cozah nih a lim dih manh lai caah Israel nih hin thil a tuah mi ruangah US le Israel karlak ah buaibainak zei hmanh a chuahter lai lo tiah a chim fawn.Hi ruangah Palestinian Authority le European Union foreign policy hruaitu hna nih cun Israel nih hi thil a tuah mi hi kan lung tlinpi hrimhrim lo,an ngol awk a si deuh tiah an chim.

 

 

 

Asinain US President Donald Trump nih cun Israel nih thil t’ha tuk an tuah tiah lomhnak bia a chim.a tu ah hin West Bank ah Judah miphun minung tam lak te thong 5 renglo khua an sakter cang hna.Nichuahlei Jerusalem ah hin bukte or thlam te bantuk in Judah miphun minung thong 2 renglo an um cuahmah pin ah Israel cozah nih East Jerusalem ram chung Palestin he an i cuh mi sensitive area bak ah E1 tluk cu a mah cozah hmunhma caah inn sak dingin a tawlrel cuahmah.cu hnu ah Israel nih a timh ning bantuk in tlam a tlin ah cun Givat Hamatos le West Bank in cun East Jerusalem kalnak lam hmanh a um ti lai lo tiah an chim.