Israel Nih Syria Ram A Lak Mi Golan Heights Ram Cu Trump Land Tiah Minsak A Timh Hoi Cang

Israel cozah kum 1967 six Day War lio ah Syria ram a rak lak mi Golan Heights ram cu American president Donald Trump min chuankhan in a min ah ( Trump Land/ Trump Heights) tiah min ka sak lai tiah thawngzamhnak a tuah t’han rih.asina in Israel cozah nih hi thil timhlamhnak atuah mi kongah a tlamtlin khawh nak dingah cun Cabinet meeting nak nih a cohlan piak ta a herh tiah an chim.

 

Cun a tu ah hin Golan Heights ram chungah cun Druze tiah an kawh hna i cu Druze pawl hna cu Canada, Syria, Lenanon, Israel miphun cawh hrup in minung 200,000 renglo an um cuahmah i,cu Druze miphun cawh hna nih cun Golan Heights ram cu Israel cozah nih a lak t’han awk a si lo pin ah khi hmun cu Trump min chuankhan in Trump Land/ Trump Heights tiah minsak cu kan duhlo tiah an chim.

 

Cun Trump nih Golan Heights ram cu Israel cozah nih a pen cang awk a si tiah fehternak a tuah cang mi cu US rian t’uanti hawi le NATO le Russia, EU, Arabs ram pawl hna nih cun Trump cu biatak tein an soisel pin ah an cohlang lo.hi thil ruangah French presidentEmmanuel Macron nih cun Trump nih hi thil a tuah mi cu International law le UN rian t’uan nak a buar a si tiah Trump cu faklak in a phomh tiah an chim.

 

A si na in Israel Prime Minister Benjamin Netanyahu nih cun Golan Heights ram cu ningcang tein Israel cozah nih 1967 six Day War lio ah Syria cozah kut in kan lak mi a si caah khi hmun cu Israel nih kan mah duh in kan tuah khaw mi a si caah a ran nak in Cabinet meeting tonbiaruahnak cu kan tuah awk a si tiah a chim.

 

Source: Israel times