Israel Nih West Bank Khuapi Chungah Palestin Ram Mi Hna Inn Cu Seh Lianmi In A Theh Piak Dih Hna

West Bank khuapi chungah hin Palestin cozah nawl ngeihnak hmangin Palestin ram mi hna nih cun phungning lo in inn tampi an sak.cun Palestin ram mi hna nih inn an sak mi hna hi Israel ram le West Bank ramri ah a si i,Israel cozah nih cun hi tibantuk in ramri ah Palestin ram mi hna nih ningcanglo in inn an sak mi le an duh paoh in an cawlcangh mi cu ramri hna hnawhnak men a si tiah Israel cozah ralkap zei maw zat le Palik pawl hna nih seh lianmi an rak i ken i a dih lak in an t’heh piak dih hna tiah an chim.

Cun Palestin ram mi hna nih ramri bak ah Palestin cozah nawlngeihnak lawng la in inn lian taktak in an sak mi hna hi a dih lak ah inn 17 bak a si.cun, hi pin ah Israel nih cun ramri ah ningcang lo in inn an sak rih a si ah cun a herh ning in tawl rel an si lai tiah a chim fawn.hi konghe pehtlai in Palestin cozah nih cun West Bank ram uk bawi pawl hna nih Israel lei ah dir an i timh ruangah a si tiah an chim.

 

Kum 2000 lio ah khan Palestin ram a buai ruangah Palestin ram mi tampi hna nih cun West Bank ram chungah i dor nak hmun an rak khuar i Israel le West Bank ramri hmanh ah Israel ram lei kap ah an mah duh paoh in inn lo an sak.hi ti bantuk in ramri ah mah duh paoh in inn a sa mi hna nih cun Palestin cozah nih nawl a kan pek mi a si tiah an chim.Israel nih cun Palestin ram mi hna nih ramri ah hi ti bantuk in inn an sak nak hi Israel ram cuh an kan timh bia a si tiah a chim ve.

Hi kongah Palestin cozah nih West Bank cozah sin ah bia a chim mi cu West Bank nih zei hmanh leh nak a tuah duh lo tik ah Israel High Court nih cun kan mah nawl ngeihnak in biachahnak tuah a si. Israel High Court nih biachahnak kan tuah ning tein Israel cozah ralkap hna le Palik hna nih rian an t’uan mi a si tiah an chim.

Source: AFP

Author: Salai Ephraim