Israel PM Benjamin Netanyahu Biachim Cu Rel Sawhsawh Nak Bak In Hmulthi A Ling Kho Dih Ko

Israel PM Benjamin Netanyahu nih cun a luan cia kum 70 lio in tuchun ni tiang Israel sining le thil umtu ning fianternak a tuah.a luancia kum 70 lio hrawng ah khan “Judah” miphun hna cu Saram zuatnak le chiahnak hmun ah Tu rual bang in an kan erh khumh i,an duh caan paoh ah sersat le ningcang lo in an kan tuahto hnu ah an rak kan thah tawn. cun a luancia kum 60 lio hrawngah khan Israel nih mah hi kei mah ram a si(kan ngeihmi) a si tiah mi sin ah i chim awk zei hmanh kan rak ngeilo.cu lawng si lo in a ralkap hrimhrim kan rak ngeihlo pin ah miphun tlingah cohlan kan vun si tlawnpal ah Arab ram pa 7 nih an rak kan tuk/doh hoi.

Arab ram,Lebanon, Syria, Iraq, Jordan, Egypt, Lebanon, Saudi Arabia ram hna nih an rak kan tuk lio ah hin Israel nih cun ralthuam vun chim lo meithal hmanh tlamtling in kan rak ngei lo.Israel nih Air force kan ngei fawn loh.cu lio ah Israel nih kan ngeih chun mi cu Judah ralkap minung 650 te lawng kan rak ngeih tik ah Judah ralkap minung 650 hna nih kan thinlung cu a rak kek kuai dih i Israel ram le miphun caah ralt’hatnak thinlung te lawng kan ngeih khawh mi a rak si.American nih cu lio ah Israel ram a rak kan pek mi cu 100 chungah 65% tluk cu these ramcar hmun a si fawn.

Cu hnu ah a luancia kum 35 lio ah khan vawlei cung ram rum le ram t’ha kan ti mi hna nih ni 6 chung bak an rak kan doh/kah t’han hoi na in Sertu Pathian thawngin Judah ralkap minung 650 hna hmangin tuchun ni tiang Isreal ram cu him tein a um khawh nak hi a si.tuchun ni tiangah Israel ram rawh a duhtu hna hi Arab ram chungah mi tampi an um ko rih na in cu bantuk ruahnak a kengtu hna nih cun Israel ram cu an tawng ngamti lai lo.zeicatiah Israel ram cu a tu ah cun vawlei cung ralka t’ha hna le ralthuam t’hat’ha a ngeimi ah a tel ve cang.cucu Israel nih Information Technology Microsoft le IBM hna nih vawlei pi caah digital technology an hmuh chuah nak hmun ah a cang.

Cun Israel ram nih a ngeihmi Sibawi doctor hna zong nih vawlaei cung medical research dothlatnak hmun ah thiam man laksawng “Nobel prize”an hmu cuahmah cang.kum 70 lio ah Israel nih a rak ngeih chun these ramcar hna cu a tu ah cun kan parter khawh cang i a tu ah cun Israel cu United States, Russia, China, India, France, Great Britain ram hna he nuclear hriamnam a ngeimi ah kan i chuah cang.Cucaah Israel ram cu these ramcar chungin kan par ter mi a si ko bu ah a ho nih dah ningcang lo in cuh tim in an rak kan hrocer ngam?misual pa Pharaoh ral le Greek, Russia, Rome, German ral hna lak in Sertu Pathian nih luatnak an kan pek cang.Isreal ram a cawisang tu cu Abraham Pathian, Isak Pathian, Jacob Pathian kan rak ti lengmang mi kha a si tiah a chim.

Source:Israel time