Israel PM Benjamin Netanyahu Nupi Sara Netanyahu Cu Thawng An Thlak Lai

Israel ram PM Benjamin Netanyahu Nupi Sara Netanyahu Israel State fund ningcanglo in a hman ti ruangah taza an cuai Jerusalem court biaceih zung nih thongtla dingin biachahnak a tuah piak.Pi Sara Netanyahu hi a tu ah kum 60nak a hman cuahmah lio a si,a tu bantuk in taza an cuainak a ruang hi Jerusalem court nih a chim ningah cun state fund cu Pi Sara Netanyahu nih an mah pumpak, inn chungkhar duh herh caah le an mah he a pehtlei mi pumpak thil caah a hman tiah an chim.

Cun Pi Sara Netanyahu a rian t’uan nak zung chungah a mah a zohkhenhtu Nu pakhat cu nih cun a mah pumpak in Restaurant lian taktak mi hmun dang ah a neih i,cu Restaurant a neih khawh nak cu Pi Sara Netanyahu nih ningcanglo in Israel cozah phaisa a pek ruangah a si tiah an puh i hi tibantuk in biachahnak an tuah piak mi hi a si tiah an chim.

Amah belte Jerusalem court biaceih zung nih Pi Sara Netanyahu thawngtla dingin biachahnak a rak tuah piak cangmi cu june 16.2019 ni ah zoh t’han nak an nei i Pi Sara Netanyahu cu thawngtla lo in phaisa $ 100.000 tu cawi sehlaw, thawng cu tla hlah seh tian biachahnak an tuah piak t’han tiah an chim.

Cun Pi Sara Netanyahu hi pumpak a nun kongah le a cozah rian a t’uan nak kongah buaibainak tampi a nei i,a tu tan a thil tuah mi kongah thawnginn chungin luatnak hmuh hmanh sehlaw,a bia ceihpiak caan a phan zau lai tiah an chim fawn.