Israel president Reuven Rivlin cu prime minister Benjamin Netanyahu kongah a lungre a thei chin lengmang cang a t’hut in a t’hu kho bak ti lo.a mah pumpak bak in prime minister Benjamin Netanyahu party aiawh in party dangdang hruaitu hna cu ton biaruahnak a ngeihpi bak ko hna.prime minister Benjamin Netanyahu nih cozah thar a ser khawh nak ding caah party dangdang hruaitu hna cu lakhruak ton biaruahnak a tuah pi hna.
Israel president Reuven Rivlin nih party dangdang hruaitu hna sin ah a chim mi cu Israel ram ithimnak ah khan pumpak party nih cozah a ser kho mi zei hmanh nan um lo caah party dangdang hruaitu hna cu lungrual tein cozah nan ser a hau cang.cun, hi ithimnak ah Mr Benny Gantz hruaimi Blue and White party hna hi Knesset seat 120 a um mi chungah seat 33 an latu hna an si.
Cun, Israel prime minister Benjamin Netanyahu party hna nih Knesset seat 120 a um mi chungah seat 31 lawng an lak khawh.asinain nan mah pumpak party nih hin a zei ti hmanh in a cozah cu a ser kho le a dirh kho nan si fawn lo.cucaah hi party pahnih hna nih irual rem tein nan i fonh khawh a si ah cun fawi tein a cozah cu nan ser khawh ko tiah a chim.
Ainain Blue and White party hruaitu Mr Benny Gantz nih cun party fonh in a cozah kan dirh a si ah cun kei mah hi Israel prime minister rian cu kan tleih awk a si cang tiah mipi thinlung a rak tei ngeingei cang hna.Israel president Reuven Rivlin nih party dangdang hruaitu hna a ton hna hnu ah pumpak in party hruaitu dangdang hna cu ton biaruahnak ngeihpi t’han in Mr Benjamin Netanyahu nih a sinak a rian Israel prime minister an chuh lo nak hnga dingin rian a t’uan cuahmah ve tiah an chim.
Source:AFP
