Israel ram a voi hnih nak an i thim hnu zongah party pakhat hmanh nih a cozah a dirh kho ding an um lo caah party dangdang hna i fonh in cozah ser dingin biachahnak an tuah t’han tik ah Blue and White Party hruaitu Mr Benny Gantz nih Israel prime minister Benjamin Netanyahu cu a sinak rawlh dingin bia tak tein t’an a rak la ve.hi konghe pehtlai in prime minister Benjamin Netanyahu nih party dangdang hna he cozah ser kho ding dir hmun ah an ruah lo caah a tu ah cun Israel cozah nih Blue and White Party tu biatak tein thazaang pek an timh cang.
Blue and White Party hi seat tam cem a la mi an si fawn. prime minister Benjamin Netanyahu nih Blue and White Party hna cu hmun khat ah i fonh in a cozah dirh dingah a sawm hna tik ah Blue and White Party a neitu Mr Benny Gantz nih cu kan i fonh a si ah cun Israel prime minister rian cu Benjamin Netanyahu khinhti lo in kei mah tu khinh ka si cang lai tiah a chim.
Israel President Reuven Rivlin zong nih a lungre a theih caah prime minister Benjamin Netanyahu ai awh in Israel ram chung party dangdang hruaitu vialte hna cun lakhruak in ton biaruahnak a kawh hna i a si khawh chungin a rauh hlan ah cozah thar ser khawh nak dingin bia a ruah hna.a bik in Mr Benny Gantz cu prime minister Benjamin Netanyahu he i fonh in cozah ser cawlh dingin bia a cah.
Israel ram chungah a um ve mi Arab party pawl hna zong cu hlan ah cun Israel cozah ser dingin a rak duh bal lo mi an si na in a tu ah cun Israel nih cozah thar ser dingin Arab party pawl hna cu a cohlan fawn cang hna.Arab party chung tel hna le an hruaitu hna chungin a tam u hna nih cun Benjamin Netanyahu cu Israel prime minister a sinak in thlak in Mr Benny Gantz tu kaiter an duh deuh.hi ti ning tein thil a si ko ah cun Mr Benny Gantz tu nih Israel prime minister sinak cu a co khawh tiah an chim.
Source: AFP
