Israel ram cu kum khat chungah a voi 2nak ithim nak an ngei i a voi 2nak an ithim tiang zongah mi zei parties hmanh nih an mah party lawng in a cozah a dirh khotu an um rih loh.cu ruangah Israel Prime minister Benjamin Netanyahu cu ni 42 tiang caan an pek t’han.Prime minister Benjamin Netanyahu nih cun cozah dirh khawh nak ding a si paoh ah cun parties dangdang hna he ifonh in nawlngeihnak hna zong i t’hen phawt cio dingin parties dangdang hna sin ah i chawnh biak nak a tuah cuahmah.
Hi lio ah hin Israel Blue and White party hruaitu Bennyu Gantz nih cun caan t’ha la in,paties dangdang hna he i fonh in cozah kan dirh a si ah cun kei mah hi Israel Prime minister rian cu an ka khinh awk a si lai tiah biatak tein Israel Prime minister rian a t’uan cuahmah mi Benjamin Netanyahu sinak cu hramhram in chuh a rak timh ve tiah an chim.
Israel Election Commission hruaitu lei hna nih cun Israel Parliament a voi 2nak ithim nak result hi a dih lak in an phuang rih lo na in Mr.Bennyu Gantz party a si mi Blue and White party hna nih cun ningcang lo in Israel Prime minister rian t’uantu dingah an party hruaitu Bennyu Gantz cu an rak aupi.Prime minister Benjamin Netanyahu party hna nak in Bennyu Gantz party Blue and White party hna hi seat 2 in an sang deuh tiah an chim.
Parliament, Knesset Seat 120 um nak ah Blue and White party (Bennyu Gantz ) nih seat 33 a lak khawh i,Israel Prime minister Benjamin Netanyahu party (Likud) hna nih cun seat 31 lawng an lak khawh.Arab Joint List alliance nih seat 13 a lak i,Jewish ultra Orthodox party Shas nih seat 9 a lak tiah an chim.
Source: AFP
