Nizan ah kan rak chim cia bang khan Prime Minister Benjamin Netanyahu le party dangdang hna i fonh in cozah thar kan dirh lai tiah timhlamhnak an neihmi cu Israel parliament pawl hna nih zahan suimilam 9 tiang kha caan an pek i Prime Minister Benjamin Netanyahu nih cozah thar a ser khawh lo a si ah cun Israel ram i thimnak cu a thar in tuah t’han a si lai tiah an chim cang.
Israel parliament pawl hna nih a caan an pek mi cu Prime Minister Benjamin Netanyahu nih cozah thar cu ka serkhawh ko lai tiah a rak chim pim ah,Israel ram cu felfei tein ithimnak kan tuah dih cang hnu ah a cozah thar dirh khawh lo ruang i Israel ram ithimnak kan tuah t’han lai ti cuningcanglo thil a si caah ithimnak cu kan tuah t’han awk a si hrimlo tiah a chim.
Asinain Israel parliament nih a caan an pek ning hna bantuk in Prime Minister Benjamin Netanyahu le party dangdang hna i fonh in cozah thar ser an i timh mi cu an ser khawh lo caah Israel ram ithimnak cu a ra lai mi September thla ni 17 ah ithimnak tuah t’han dingin biachahnak cu an tuah piak taktak cang.cun Israel ram ithimnak tuah t’han nak kong he pehtlai in 21st Knesset Israel cu rawh a si pin ah suimilam 12 chung bak ithimnak cu tuah ah maw a t’hat lai tuahlo ah dah ti mi i ceih t’i nak an neih hnu ah vote 74 tluk ah vote 45 nih ithimnak tuah t’han dingin a tei.
Hi konghe pehtlai in Israel politicians pawl hna nih cun Israel Prime Minister Benjamin Netanyahu san tleih lo bia a si tiah biatak tein an soisel pin ah Benjamin Netanyahu cu Israel Prime Minister si awk ah a tlak lo tiah an den chih.cun ultra-Orthodox United Torah Judaism pawl hna nih cun Israel Prime Minister Benjamin Netanyahu cu an hnawl i a caah cun Isreal Prime Minister sinak vunco t’han nak caah a har ngaingai cang lai tiah an chim.
Source: Israel Time