Israel ram cu felfai tein a voi 2nak an ithim kho cang.asinain a tutan Israel ram an ithim nak ah a voi khat nak bantuk in Israel ram cozah a t’uan cuahmah lio mi (Likud Party )prime minister Benjamin Netanyahu cu zei hlei sidawh a si lo.prime minister Benjamin Netanyahu party nih an mah lawng cozah a dirh kho ding an si hlei lo.cozah a dirh khawh nak dingah party dangdang pawl hna a sawm a hau t’han rih.zeicatiah prime minister Benjamin Netanyahu nih (Majority) a phan kho hoi loh.
Kan rak chim cia bantuk in Israel Parliament ah hin Knesset seat ah seat 120 a um i,(Likud Party )prime minister Benjamin Netanyahu nih seat 120 chungah cun seat 55 lawng a lak khawh.asinain an mah lawng nih a cozah an dirh khawh nak ding caah cun hi Knesset seat ah seat 120 a um mi chungah seat 61 a lak khawh a hau.
Knesset seat ah seat 120 chungah seat 55 lawng a lak khawh caah prime minister Benjamin Netanyahu nih right-wing party hruaitu vialte hna cu a va ton hna i,biatak tein nawlpatnak a tuah hnu ah right-wing party hruaitu hna nih cun hmun khat ah cozah thar cu kan in siampi ko lai tiah an chim.asinain right-wing party hruaitu hna chungah zei maw zat hna nih cun Benjamin Netanyahu party a si mi(Likud Party ) he hmun khat ah cozah thar dirh a duhlo mi tampi am um tiah an chim.
Hi ruangah Israel president Reuven Revlin nih cun Israel Parliament member chungtel vialte hna cu lakhruak ton biaruahnak a tuahpi hna i prime minister Benjamin Netanyahu nih cozah a dirh khawh nak ding caah party dangdang hna a sawm hna lai.cun,prime minister Benjamin Netanyahu nih cozah thar a dirh khawh nak ding caah ni 42 caan pek a si t’han lai tiah a chim.
Source: AF
