Israel Prime Minister Benjamin Netanyahu Cu Ral A Tho Taktak Ko Cang Ne Lai Maw A Mahtu Cawl Hmasat A Tim Cang

Israel Prime Minister Benjamin Netanyahu nih cun zei tik paoh ah Israel ram cu a kan kap kho dir hmun kan si caah Israel ramri vialte ah cun kan hriamnam le kan cozah ralkap hna he timhcia te in kan um dih cang.kan cozah ralkap vialte hna zong an mah le um nak ding hmun cio ah hriamnam tling te he an um dih cang tiah a chim.cun, Gaza ram cungah a um mi Iran hawi le pawl Hamas pawl hna he cun zei tik hmanh ah remdaihnak a tuah kho ding kan si ti lai lo.

 

Zecahtiah cun Hamas pawl hna he cun remdaihnak tuah hmanh usihlaw,cucu san tlailo a si.cu bantuk thil kan tuahpi hna a si ah cun Israel nih kan mah le kan mah rawhral nak ding lam kan i vah piak bantuk men a si cang.cu caah a tu ah cun kan ralkap vialte hna cu an mah le um nak ding hmun zawn cio ah chiah in timhcia kan si cang tiah Prime Minister Benjamin Netanyahu nih Ashkelon khuapi ton biaruahnak an neih nak ah a chim.

 

Cun,Prime Minister Benjamin Netanyahu nih cun Israel ram rawh duh ah ram a vak mi hna konghe pehtlai in cu hlan ah cun Israel Election considerations t’uanvo neitu hna nih ruah nak an ka cheuh mi cu ka rak lak peng,asinain a tu kan dirhmun ah cun Election considerations t’uanvo neitu hna nih ruahnak an kan cheuh mi le lam hmuhsak an ka timh mi vialte hna cu ka lak piak ti hna lai lo.cun, an mah zong nih cu hlan bantuk in ka cungah lamhmuhsak le ruahnak cheuh an ka timh awk a si ti lai lo tiah a chim.

 

Israel rawh nak dingin rian a t’uan cuahmah mi hna kongah cun zei hmanh i laklawh nak thinlung ka nei ti lai lo tiah a chim.cun, Israel defene nih cun vawlei pi hmaika ah Israel nih zei thildah a tuah khawh ti hi Israel nih ka hmuhsaknak caan an kan pek a si cang.Israel caah zei hmanh thil a si kho lo dingmi a um lo.Israel nih a neih mi hriamnam le a ralkap hna cu vawlei pi hmuh ah phohzar caan a ko cang tiah a chim.

Ref: AFP