Israel prime minister Benjamin Netanyahu nih cun a tutan Israel ithim nak ah teinak ka hmuh a si ah cun Jordan khua cu Judah miphun hna pen nak ram ah ka ser lai tiah biakamnak a tuah t’han rih.Jordan khua hi Dead Sea rili le Beit Shean karlak ah a um mi khua a si.Benjamin Netanyahu nih hi tibantuk in Judah miphun hna sin ah biakamnak a tuah mi hi a Jordan khuapi si lo in Jordan khuapi in a hlatnak hmun kilometer 2,400 tluk ah a um mi Jordan Valley(khuate) tiah an kawh mitu a si.
Cun, hi Jordan khuate hi West Bank khua he a va ipeh mi khua a si.Israel nih cun Palestine he remdaihnak ser hmanh usih law.hi Jordan khuate hi cu Israel cozah ralkap pen nak ram ah ser hrimhrim a hau tiah a chim.kum 2016 lio ah khan Jordan Valley khuate chungah hin Palestine ram mi hna minung 65,000 renglo an ram um.cu bu cun Judah miphun hna hi minung 11,000 hrawng an rak um chih.
Israel prime minister Benjamin Netanyahu nih cun West Bank ram chung hi kaupi in Israel ram caah ser ka timh bia si lo in Judah miphun a t’hek mi hna nih duh dim tein khua an sak khawh nak ding caah ser ka timh mi tu a si tiah a chim.Judah miphun hna nih zalon nak an hmuh khawh nak ding caah kum 8 chung West Bank ram cu ka rak humhak nak a si tiah a chim fawn.cun, Israel le Palestine ram kongah remdaihnak cu ser khawh si hmanh sehlaw,Israel ram nih ithim nak a tuah dingmi a dih hlan ah cun Israel nih Palestine cu remdaihnak a serpi hna lai lo tiah a chim.
Palestinian chief negotiator Saeb Erekat ram nih cun Israel ram he remdaihnak ser dingah a tawlrel tu America cu a soisel i (US peace plan) tuah an timh mi hi vawlei cung pumpi nih kan zulh mi phunghram kalhtu a si tiah a chim. zeicatiah Israel nih ni fat’in ti awk in international law cu a buar peng pin ah Israel nih West Bank ram cu Judah miphun hna pen nak ram ah ser a timh.West Bank ram cu state dangdang ser kan timh mi a si an thei ko tiah a chim.asinain America nih Palestine cu zei hmanh lehnak a tuah hraw rih lo.
Source: Time Of Israel
