Israel Prime Minister Benjamin Netanyahu nih cun a ram mi hna sin ah biathar a kamh t’han hna i, a tu a ra lai mi September 17 Israel ram i thim nak ah tlamtling tein teinak ka hmuh khawh a si ko ah cun Judah miphun hna caah zalong tein um khawh nak le tlawnlen khawh nak dingin West Bank Ram cu ka ser hrimhrim cang lai tiah a chim.
Cun, Judah miphun hna nih hrem nak an tem in nak hna le um nak ngeilo in vawlei cung hmun kip ah aa t’hek mi hna Judah miphun pawl hna caah Israel ram nih zei tik paoh ah inn ka kaupi in a hun piak hna pin ah Judah miphun hna nih Israel ram vialte cu an mah ta(a ngeitu) taktak bantuk in an i ruah awk a si cang lai.West Bank ram cu Judah mi hna caah Israel nih part of the State of Israel tiah kawh piak an si cang lai tiah a chim fawn.
Prime Minister Benjamin Netanyahu nih Judah miphun hna konghe pehtlai in mah bantuk bia a chim ruangah Arab politician pawl hna nih cun faklak tein an soisel i Judah miphun hna caah West Bank ram samh nak le humhim nak a tuah taktak a si ah cun Judah miphun hna lak ah Civil ral a chuak kho t’han ti nak a si tiah an chim.AF
