Israel Prime Minister Nih America Ram Tualchung An Buainak Cu A Si Khawh Chungin Daihter Ka Zuam Lai

Israel ram chung thawnglatu Hayom newspaper hna nih cun Prime Minister Benjamin Netanyahu cu interview an tuah i,Prime Minister Benjamin Netanyahu nih cun hlan lio i American ram ah Sianghleirun a rak kai lio kong a chim. American ram chung ah Sianghleirun ka rak kai lio ah cun a tu i Israel ram an huak ko rua tiah kan ruah mi hna Democratic Party hna le US tualchung party dangdang pawl hna khi Jewish state ram him tein a um khawh nak ding caah biatak tein rian a rak t’uantu hna an si tiah a chim.

Cun, a tu ah Republican party hruaitu hna chungah khin Israel ram chungin a chuak mi zei maw zat an itel.a ngaingai kan ti ah American Senator le Democratic Party hruaitu hna si hna seh.party dangdang hruaitu hna zong nih Israel ram rawh taktak ding cu a ho hmanh nih an duh lai tiah ka ruat lo,zeicahtiah an mah thawngin Israel ram cu a tu ni tiang humhim a si.a mah belte Israel ram ruangtu ah American ram tualchungah buaibainak a chuak cuahmah.mah hi Israel ram an dawt ruangah a si.cucaah hi an buai nak cu Israel nih a si khawh chungin remdaihnak kan tuah a hau tiah a chim.

 

Cun American President Barack Obama chaan lio ah Israel ram konghe pehtlai in interview an rak tuah i a chim mi cu, Israel ram nih harsatnak a ton ah cun American harsatnak a ton a si le Israel mipi an him ah cun American mipi kan him a si ve ko tiah a rak chim bal cang tiah Israel PM nih a chim fawn.asinain Israel ram kongah Trump rian t’uan ning le Barack Obama rian t’uan ning hna cu international i t’hit hruainak lei zongah an i khat loh.Trump nih cun Israel ram lawng si lo in vawlei pi humhimnak zong rian a t’uan chih khawh i Trump cungah ka lawm khun tiah a chim.

Amah belte cu American ram bantuk in Israel ram kutke a ngeih ve lo caah American ram ruangah Israel nih harsatnak tampi kan tuar.asinin Israel ram nih cu tibantuk in harsat nak kan ton mi hna cu Middle East ram chung vialte ah mang t’am a tlung dingmi kan chaan hna khi a si.zeicahtiah hi harsat nak vialte hna a hram bik cu Trump nih Iran ram cung ah harsatnak a pek hna caah a si.Trump nih Iran ram hi hrem hlah sehlaw? Iran nih nuclear le hriamnam ser nak caah Middle East ram chung chawva vialte hna cu acontrol dih ding le atleih khawh dingmi a si caah thil t’ha achuak cawlh te ko lai.a mah belte a tu lio Israel dirhmun ah cun “The answer is pressure, pressure and more pressure,”ti a si kotiah a chim.

Source: Israel Time

Author: Salai Ephraim