Israel Ralkap Hna Nih Tihung Khur Thuk Taktak An Hmuh Than Rih Hoi

Israel Defence forces ralkap pawl hna nih cun Israel ram le Lebanon ramri ah ralhrang pawl hna um nak khur a t’huk taktak mi an hmuh t’han rih.hi konghe pehtlai in IDF senior officer intelligence hruaitu hna nih an chim ningah cun hi khur hi chaklei Israel le Labanon ram ri a ah hmuh a si i,hi khur cawh nak le sernak dingah cun kum 7 chung bak a caan lak a hau dingmi khur a si tiah an chim.

 

Cun hi khur a sertu hna cu Labanon ram chungah a um mi Hezbollah ralhrang pawl hna nih Israel kah nak ding le doh nak ding caah an rak sermi si dawh a si.zeicatiah hi khur cu chaklei Israel ram le Lebanon ram chung khua zei maw zat ah hlet a nei dih tiah an chim.cun hi khurpi cu Israel khuapi chung ah 77 meters tluk in a va i sawh a thuh lei hi 260 feet tluk bak in a thuk tiah an chim.

 

Cun chaklei Israel ram chung khuate a si mi Shtula khua le Zarit timi khua ah a va tleng i,a khur chungah hin electric thilri hna zong t’ha tein fit dih a si pin ah a khur chung ah thlithiang an luh khawh nak dingin awng fa tete an tuah piak hna tiah an chim.

 

Cun an kutzung zoh tik ah hi thil a tuahtu hna cu ralhrang Hezbollah special forces unit pawl hna nih an tuah mi si dawh a si ko tiah an chim.Hezbollah special forces unit pawl hna hi Shi’a Islamist political party tiah kawh mi hna an si i Jihad Council pawl hna he i pehtleihnak an neih pin ah Israel ram a doh pengtu an si ve.

Source: Israel time