Israel Ram Cu Lungrethei Taktak A Si Ko Cang Kil Hnih In Tuk/Doh An Timh Taktak Cang

American ram nih Iran ram a hrem cuahmah ruangah Iran nih American lehrulh nak caah Israel ram cungah a tak in t’uan a timh ve cang.Iran hawi t’ha taktak a si mi Hamas pawl hna nih cun American nih Iran cungah a tuah ning paoh in Israel ram cungah lehrulhnak tuah ve dingin timhcia kan si cang tiah Hamas nih cun a chim.Cun,Israel ram kah nak dingah caan saupi chung cawlcangh ningcang kan cawng cang i a tu ah cun Israel kah dingin zei zong te tihcia kan si cang tiah an chim.

Hamas pawl hna nih cun Israel ramri a si mi Gaza Strip ah khuasa mi hna Hamas miphun hna le Islamic Jihad group pawl hna nih cun a rauh hlan ah Trump Height Golan Heigh ram chungah a um mi Judah miphun hna cu an rak tuk ve hna lai i,Syria ram lei in Hizbollah group pawl hna nih Judah miphun pawl hna cu an rak kah ve hna lai. kil hnih in Israel ram cu tuk a si lai i cikhat teah Israel ram cu lak a si lai tiah an chim Hamas nih a chim.

 

Hi konghe pehtlai in Israel nih a chim ningah cun kil hnih in Israel kah/tuk a kan timtu hna hi Iran nih hriamnam tling tein a pek hna pin ah Israel ram a doh ningcang hna cu felfai tein training zong a pek cang tiah a chim.cu pin ah kil hnih in Israel tuk/kah an timh nak zong hi Iran nih plan a suai piak mi hna ning tein a si tiah a chim fawn.cun Gaza ramri ah a um mi Hamas ralkap pawl Izz al Din alQassam ralkap pawl le Islamic Jihad group pawl hna nih cun Israel ram chungah luh i zei sualnak a nei lo mi civil pawl hna tiangin thah thluah mah an si lai tiah an chim.

 

Israel PM Benjamin Netanyahu nih cun Iran nih a duh tawk in midang cu hmang hmanh hna sehlaw Israel nih timhcia tein kan hngah ko hna.Iran nih suimilam cheu chungah Israel cu rawh in a um lai tiah a rak chim ruangah Israel cu timhtuahnak t’ha tein kan rak nei dih cang.an mah he i doh/kah dingah Israel Air Force pawl hna cu timhcia in chiah dih an si cang tiah a chim ve.cun, Israel nih a ram nak in American F-35 Fighter jet cu 100 renglo cawk a timh.hi ruangah Syria nih cun Israel nih hi thil cawk a timh mi hi Iran kah/tuk nak dingah hman a timh mi a si tiah an chim.

Ref:AFP

Author: Salai Ephraim