Israel cozah nih cun an mah kah a timtu hna Iran drone cu Syria ram lei in Israel ram chung luh dingin a rat pah ah Israel nih an kah piak hna tiah an chim.hi ruangah Iran nih cun Israel ram hi kah duh taktak usih law cu cikhat ah Israel ram cu vutcam ah an cang dih ko lai.Israel ram hi zei tik caan paoh ah kah kan timh mi cu a si.kah dingin kan i timh mi chungah a um mi cu a si na in kan kah rihlo mi tu a si deuh tiah a chim.
Hi konghe pehtlai in Israel Defence Forces nih cun Damascus ram in a thlang lei Aqraba khuaah a um mi hna Iran Quds Force pawl hna le an rian t’uan hawi ralhrang pawl hna nih cun Israel ram cu a thli tein kah dingin timh lamh nak an ngei i ‘killer drone’ pi cu Israel ram lei ah an rak thlah.cu pin ah ‘killer drone’ lawng si lo in ‘killer drone’ an control nak hmun zong rawh chih a si tiah a chim t’han rih.
Cun, Syrian air defence, Syria state media pawl hna nih an chim ve ningah cun Iran Quds Force pawl hna le Israel cozah ralkap hna cu an i kap i Iran Quds Force ralkap pawl hna nih Israel cozah missile pawl hna cu zei maw zat an kah piak ve hna tiah a chim.asinain Syria state media pawl hna nih an chim mi kongah zei hmanh tehte a um lo tiah an chim fawn.asinain Revolutionary Gaurds Corps nih cun kan thil zei hmanh an kah mi a um lo tiah a chim.
Israel prime minister Benjamin Netanyahu nih cun Iran cu khua zei hmanh ah va kal hna sehlaw hmunhma an ngei ti lai lo.cun, Iran ralkap hna nih na cungah thah duhnak thinlung an put i nang mah harsat nak pek tim in na hmuh a si ah cun Iran ralkap pawl hna cu nang mah nih na thah hmasa hna awk an si lai tiah Israel ralkap hna cu nawlpek kan peng cang hna tiah twitter in a chim.
Source: AF
