Israel Ram Le Syria Ram Cu Biaktak Tein An I Kap Cuahmah Than Cang A Ruang Rel Chap

Israel le Syria cozah hna cu Israel nih kum zei maw zat a rak lak cangmi Golan Heights ram chungah bia tak tein an i kap taktak ko cang.hi an i kah nak konghe pehtlei in kap hnih ram state news in thawngzamhnak an tuah veve tiah an chim.cun Israel le Syria an i kah nak hi Israel nih a neih mi rocket hriamnam hmang in Syria a kah hmasa i Syria ralkap pakhat a thah caah Syria nih a leh cawlh tiah an chim.

Israel nih Syria a kah nak ruangah hin Syria ram mi minung tampi nih hliamhma an tuar,asinain mithi cu minung pakhat lawng a si tiah Syrian news agency SANA nih thawngzamhnak a tuah.cun a tutan ah i kah nak hmun taktak hi Golan Heights ram khuapi Quneitra chung bak ah a si cu ka hmun ah Syria cozah nih a hriamnam a chiah nak hmun Tel Al Shaar le raltuknak moto tampi an rawh piak hna tiah an chim.

 

Cun Israel nih cun an i kah nak konghe pehtlai in social media ah fianternak a tuah i Syria kah an sinak cu nizan ah an hriamnam rocket hmang in Israeli fighter jet cu an rak kah.asinain Israel nih lehrulhnak a rak tuah lo i a tu ah cu an rak kah mi kongah Israel nih lehrulhnak kan tuah mitu a si tiah an chim.

Cun hi thil hi Israel nih Golan Heights ram cu kan ta a si ti theihternak caah le Golan Heights ram a him khawh nak ding caah Syria cu kah an si tiah an chim fawn.cun Israeli Prime Minister Benjamin Netanyahu nih cun Israel ram a dohtu ram hna cu an tuahser ning hoih in lehrulh an si lai i Israel a kaptu cu kah in an um ve cang lai tiah a chim.

Source: CNN