Isreal Cozah Nih A Thin Hun Nak Cu A Thar Bak In Palestin Le Hamas Pawl Hna Sin Ah Langhter A Timh Than Cang

Kan hnung thla ah khan West Bank ram chungah Palestin ram mi hna nih a cozah sin lawngah nawlngeihnak la in Israel ram pen nak chung West Bank ramri ah an mah duh paoh in inn lo an sak mi zei maw zat hna cu Israel rih ramri an lonh a ti ruangah a rak rawh piak cang hna.cu hnu ah Palestin cozah nih cun khi hmun ah khuasa mi Palestin ram mi hna nih Israel cozah sin ah nawlngeihnak hal ta pakhat hmanh an hau lo.kan mah ram a si caah kan mah duh paoh in kan um awk a si ko tiah lehnak a arak tuah.

 

Cu ruangah Palestin cozah nih cun Israel ram he remdaihnak ser dingin misen an rak thut mi vialte hna cu a hnawl t’han i,Israel he zei tik hmanh ah remdaihnak cu kan tuah kho ti lai lo tiah an chim.cun, Israel cozah nih Gaza ramri ah a cozah ralvengtu ralkap a chiah mi hna cu nawl a pek t’han hna i,Gaza ramri ah Palestin mi hna le Hamas pawl hna nih kan zulhphung lonh/buar in hna hnawh nak an tuah t’han a si ah cun an tai in a tang lei ah nan kah hna lai tiah nawl a pek hna.

 

Cun, zahan ah Israel defence ministry nih a chim ningah cun Gaza ram in Israel ram chungah phungning lo in a lut mi hna le hna hnawh nak a tuahtu hna kham nak caah Israel cozah nih cun a thar in ramri kham nak vampang a ser/chon t’han lai tiah a chim.zarh hnih chungah Gaza ram in Israel ram chungah ningcang lo in luh a tim mi hna hi minung zei maw zat an si na in Israel cozah nih ramri ah ralvengtu a chiah mi hna ralkap pawl hna nih meithal he an dir awnh hna ruangah kham khawh an si tiah a chim.

 

Hi ramri ser nak konghe pehtlai in chawva tampi a dih ding a si caah defence ministry le prime minister office pawl hna nih a herh ding le a dih ding zat hna cu budget an suai cuahmah.hi budget an suai dih bak in ramri kham cu thok cawlh a si lai tiah a chim.

Source: AF

Author: Salai Ephraim