Italy Ram Cu Khaubawk (locust) Nih Thehdih A Timh Ko Cang Tihnung Taktak An Si

Italy ram chung a si mi Sardinia tikulh khua ah cun khaubawk (locust) an chuak ciammam i minung caah t’ihnung taktak khi an si tiah an chim.cun hi khaubawk pawl hna hi kee’hngete”saupi an nei i zanlei ninem a vun i thawk bak khin chuah hram an i awt ve i inn lak ah a run bak in an zuang i thingthei le tihang pawl vialte hna cu pakhat hmanh nganlo in an ei dih hna tiah an chim.

Cun hi khaubawk pawl an rak chuah ah cun mipi leng chuak ngamlo in an thil zuar mi pawl hna le thingthei an neih mi hna cu a thuh bak in thuh an si pin Sardinia tikhulh khua thinram hna cu falong 2,000 tluk kau an rawh/t’am dih cang tiah an chim.cun hi khaubawk hna nih cun Ottana khua le Orani khua karlak thingram hna cu an t’am dih cang tiah an chim.

Hi konghe pehtlai in Italy farmers nih a chim ningah cun hi thil a cang mi hi vawlei cung ralpi pahnih hnu in a cangmi thil a si.zei ruangah dah mah bantuk in thil a cang hnga tiah dothlatnak tuah cuahmah a si tiah a chim.cun Italy media hna nih cun kum 70 hnu ah a tu bantuk in Italy ram ah thil khuaruahhar a um voi khat nak lawng a si rih tiah an chim.

Cun Ottana khua le Orani khua karlak ah khaubawk tam lak te an thi i,cu khaubawk a thi mi ruh nih an ka chunh /sawh sual lai tiphan ah (carpets) an phah i khaubawk cungin an um kal tiah an chim.hi tibantuk in 2018 chungah khan khaubawk cu tlawnpal te an rak chuah cang na in a tu ah a rak chuak t’hanmi khaubawk he cun tahchun tlak an si lo an tam taktak tiah an chim.

Source: metro.co.uk