Jacob R.Thang Nih Halkha Khuapi Chung Um Media Pawl Cu A Hloh Ko Hna.Halkha Media REPORTER Pawl Cu Zawng An Lo

Media (Reporter) cu lamkam i plastic char ah a vak men mi nan si loh. Journalist cu Mipi caah kan ram caah kan theih dingmi thawng (news) raltha tein a kan thanhtu kan Muko nan si. Nan raltthat zong a hau.Pastor nih thawngthabia a chim lai.Ralkap nih Ral a tuk lai.Siang Cachim nih ca a chim lai.Lothlo nih Lo a tloh lai.Ramkhel nih Politic a tuah lai. Media nih Thawng (news) nan tial lai.

 

Tutan Halkha khuathar sernak ah NLD Acozah nih hranhram in Inn an ttheh piak hna lio ah Media pawl cu Zawng bang in tlangpar ah nan i khap kan in hmuh tik hna ah ngaih a chia ko.The Chinland Post nih Magnifier Lens zoom camera ngei hna hlah sehlaw zoh awk theih awk a um ttung hnga lo.

 

USDP 2010 in 2015 chan nak in atu NLD Acozah chan ah Media zalonnak a zawr chinchin ti cu zapi theih asi ko. Pu Thei Sein Chan lio ah Pohmah “66a” in Journalist 7 long thong an thlak hna atu NLD Acozah a kai in minung 19 thong an thlak cang hna pin ah 166 hi tazacuai in an kong an ceih lio hna asi.USDP Chan lio ah an rak hmang bal bak lomi Pohmah “66d” Media zalon lonak zong NLD nih cei lak te an hmang cang hoi.

 

Chin NLD Acozah zong nih hranhram in Inn an ttheh lio ah Media pawl luh khoh lo dingin an in khap hna ti thawng kan theih. Zeicaahdah an in khap hna a ruang kan thei lo. An tuahmi thil Mipi theih an ttih caah maw asi hnga? Media zalonnak a um lo ahcun kan Chinram tthanchonnak ding lam a pit cang.

 

Ka khuaruah nan har mi a um. Chin NLD Acozah nih an in khap lio hna ah raltha in duhlonak a chim ngammi nan um lo maw. Ziah Media Zalonnak (Freedom of Press) caah lam nan zawh lo sandah nan piah lo?Kan in bochan ko hna.Tu hnu cu raltha tein Mipi kan ca ah rak kan dir piak ko uh tiah kan in nawl hna. Zawng bantuk siti loin Cakei bantuk in Chinram caah Pasal tha kan Muko si zungzal ko uh tiah.

Credit: Jacob R. Thang ( Global rawn chin Media )

Author: Salai Ephraim