Japan Cozah Nih A Ralkap Hna Chungin Khuatuaktan Huaha Lo Mi Pawl A Ramri Vengtu Dingah Thimnak A Tuah Lai

Japan cozah nih cuhlan ah a tuah bal lo mi a cozah ralkap chungin pasal t’ha thim in a ramri vengtu dingah ralkap thar special force a dirh lai tiah theih a si.hi konghe pehtlai in Japan nih a chim ningah cun hi thil tuah kan timh mi hi China ral in kan ram kan humhim khawh nak hnga caah ser kan timh mi a si.zeicatiah China nih cun nichuahlei East China Sea rili in Japan ramri tiang hna cu China nih lak an timh pin ah an duh paoh in an rak lut chuak ruangah a si tiah a chim.

 

Cun,Japan nih a ramri vengtu dingah ralkapbu a thar ser a timh mi hna nih hin an ven awk cu Okinawa tikulh hi a si lai i,an mah nawl lo in China an si ah,ramdang mi an si ah an rak luh a si ah cun a cungah veel ngeih a um lai lo.an cung ah a herh ning paoh in hriamnam hmang a si lai tiah a chim. Okinawa tikulh hi Japan le China nih an i cuh pengmi hmun a si tik ah China nih a mah thu in a duhtik paoh ah a rak luhnak hmun a si.

 

Cun,Japan nih Okinawa tikulh ah ralkapbu ka chiah dingmi hna hi Japan cozah ralkap um nak hmun in meng 420 tluk lawng an i hlat lai caah automatic weapon hriamnam he chiah an si lai tiah a chim.China le Japan nih an i cuh mi ram Okinawa tikulh khua hi China nih cun Diaoyu tiah min a sak i Japan nih cun Senkaku tiah min a sak ve.

 

Hi hmun ah hin Japan nih a cozah ralkap tampi a chiah ko hna na in,cu a ralkap a chiah mi hna lengah a tu hi ralkapbu a thar ser in chiah chap a timh t’han hna.hi ruangah hin National Police Agency hruaitu pawl hna nih cun fianternak zei hmanh an chim duh rih lo.asinain Japan nih hi thil tuah a timh nak konghe pehtlai in April thla chungah khan National Police Agency pawl hna sin ah fianternak le nawlpatnak t’ha tein a rak tuah cang caah pah chih a timh tiah an chim.

Source: BCC

Author: Salai Ephraim