Japan cozah nih cun typhoon Hagibis thlichia le tilet ruangah a ram chung minung zei maw zat hna nih cun harsatnak le um nak ngeilo in an vahveih cuahmah lio ah a cozah ralkap hna chung minung 110,000 hna cu mi harsa mi hna le um nak ngeilo in a vakvai mi hna chanhchuahtu/a kawltu dingah nawl a pek t’han cang hna tiah an chim. typhoon Hagibis thlichia le tilet ruangah hin Japan ram chungah minung 43 an ruat cu char a si cang.cun a tu ah an ruak kawl cuahmah mi hna hi minung 16 an si na in mah nak tam hi an thi lai tiah ruah a si.
Typhoon Hagibis konghe pehtlai in nizan ah khan lakhruak press conference cu Chief cabinet secretary Yo shihide Suga nih a kawh.cu press conference an tuah nak ah cun cabinet secretary Yo shihide Suga nih hi tin a chim a tu ah hin firefighter le coast guarda pawl hna nih cun typhoon Hagibis thlichia le tilet ruangah harsat nak a tuar cuahmah mi hna cu an nun nak pek ngamh in an chuah hnawh cuahmah hna.cu pin ah Japan cozah nih a minung 110,000 hna cu thlichia le tilet a thawh cuahmah nak hmun paoh ah miharsat bawmchantu dingah biachahnak a tuah t’han tiah a chim.
Cun.Japan Local goverment nih cun hi thil kongah Self Defence Force pawl hna zong nih an kan bawmh a hau cang tiahnawlpatnak a tuah pin ah Tokyoa le Nagano hna zong an tel chih.Defence minister Taro Kano nih cun a tutan Japan ram chung thil a cang mi kongah Japan Local goverment nih Self Defence Force min thengte langhter in nawlpatnak a tuah mi hi a t’ha ko.a mah belte cu hi bantuk nawlpatnak a tuah hlan in Self Defence Force ralkap minung 31,000 hna cu thlichia le tilet a thawh cuahmah nak hmun ah kalter an si cang tiah a chim.
Kan hnungzarh Pathian ni khan tuchun tiangah Japan ram vanzuanglawng”flight” hna cu 800 lenglo cancel a si cang.asinain nizan ah khan domestic flight vanzuanglawng belte cu a caan hman tein um kal ter a si.Japan ram chungah Factory zei maw zat khar a si pin ah Japan ram chung mithang company pawl Toyota Motor Corp, Nippon Steel Corp, Sapporo Holdings Ltd pawl hna zong rian t’uan kho lo in khar dih a si cang tiah BBC nih a chim.
Source:BBC
