Japan ram chungah cun van ruahti a tlak tuk ruangah thliachia le tilet a tho lai ti phan ruangah minung 8,00,000 renglo hna nih cun an inn le an lo chuah tak in hmun him nak lei an panh cuahmah tiah an chim.a mah belte Japan ram ah van ruahti tlak tuk ruangah hin thlichia le tilet nih zei hmanh a chuah pi hraw rih lo i,minung mah zat hna nih an inn lo an chuah tak nak a ruang cu ruahlo pi in thlichia a hrang kho mi dirhmun an phanh ca tu ah a chuah tak mi tu a si tiah an chim.
Cun,a bik in an mah inn lo bak a chuah tak mi hna hi Japan ram chung khuapi a si mi Kagoshima khua le Kirishima khua le Aira khua ah khuasa mi hna an si. Japan thawngzamhtu hna nih an chim ningah cun van ruahti a tam tuk ruangah Kagoshima khua le Kirishima khua le Aira khua mi hna an inn lo an chuah tak nak hi leimin a min tuk ruangah le van ruahti cat lo in a tlak peng ruangah a si.cun, minung 8,00,000 hna nih an zam nak ah Kagoshima khua mi Nu pakhat cu thi lak in an lamh chih tiah an chim.
Hi konghe pehtlai in Japan Prime Minister Shinzo Abe nih cun van ruahti a tam tuk ruangah Kagoshima khua le Kirishima khua le Aira khua mi hna cu him teih nan um khawh nak hnga,hmun him nak leitu ah a ran nak in i t’hial dih ko uh tiah a chimh hna i a cozah ralkap le Japan self defence force pawl hna nih an zuam hnawh hna i a lam kip in hmun him nak lei ah cun an cheet hna tiah an chim.
Cun,Japan self defence force pawl hna le Kagoshima prefecture rian t’uantu hna nih cun hi mi hna humhim nak caah rian t’uantu kan tlawm tuk caah a cozah nih a minung pawl tam deuh in an kan thlah piak nak hnga? tiah a cozah sin ah cun nawl patnak an tuah cuahmah fawn tiah Japan Governor Satoshi Mita zono nih cun achim.JapanMeteorological Agency hna nih cun ruahti hi zei can dah a sur lai tiah theih khawh a si lo i,a zarh chungin a sur peng a si ah cun Japan ram chungah thil t’halo pakhat khat a tlung kho a si tiah an chim.
Source: BBC
