Israel cozah nih Palestin ram a lak mi nichuahlei Jerusalem ram chungah Israel palik pawl hna le Palestin ram mi hna cu a phu”bu” bak in an vuak hna ruangah kaphnih ram mi,minung tampi hna nih hliamhma an tuar tiah an chim.cun, hi tibantuk in Israel palik pawl hna le Palestin ram mi hna an i vuak nak hmun hi Muslim pawl hna le Judah miphun pawl hna nih hmun thiam tiah an ruah mi le an upat mi hmun pakhat a si fawn tiah an chim.
Cun, Muslim pawl hna nih Al-Aqsa mosque compound tiah an chim lengmang mi “hmun thiang” le Judah miphun pawl hna nih Temple Mount “hmun thiang” an ti nak zongah a run”phu” bak in Palestin ram mi hna nih hna hnawhnak an tuah caah Israel palik pawl hna zong nih a run bak in Palestin pawl hna cu an leh hna i biatak tein an i vua hna.hi hmun hna cu hlan lio pi in Judah miphun hna le Muslim miphun hna nih an rak upat taktak mi hmun le hma an rak si.
August 10-08-2019 khan Muslim pawl hna nih an ulhmi “Muslim Eid al Adha holiday”ti mi cu an thok t’han.Muslim Eid al Adha holiday ni ah thlacam dingin a ra mi hna lak ah Palestin ram mi hna nih cun an itel i Israel palik pawl hna vuak nak dingah caan t’ha an rak i ser.cu pin ah Muslim pawl hna nih “Eid al Adha holiday” ti mi an hman lio ah hin Judah miphun pawl hna zong nih “B’av holiday”an hman mi a ni le caan a khat.Palestin ram mi hna nih hi lio caan hi an rak i sel mi a si tiah Israel palik nih an chim.
Hi ruangah hin Israel palik hna nih cun Judah miphun hna cu Temple Mount ah thlacam dingin kal an senh hna lo tiah an chim.asinain thawnglatu tampi hna nih Judah miphun hna le Musilm pawl hna karlak ah bia hman lo an chim phuan mi cu Israel palik pawl hna nih Judah miphun hna cu thlacam dingin Temple Mount an dih lak in luhter an timh hna na in Palestin ram mi hna le Muslim pawl hna cu an ka kham tiah bia an chim ruangah Israel palik pawl hna cu lungtum bak in an den hna hi a si tiah an chim.
Source: AF
