Jesuh Cu A Lai Fang Lawng A Si; Pathian Cu Ka Lung Chung Dih Lak In Kan I Bochan Lai

Jesuh cu a laifang a si(Jesus at the centre)What is the middle verse of the Bible?
A laifang timi cu zeidah a si? Genisis ,Exodus,levitical,namber,Deutro hi vialte mosese cauk a si i,moses nih a tial mi a si,bible aa thawknak a si i,cu bible aa thawk nak in Biathlam khi a donghnak tiang tial mi khi Jesuh nih a mah kong an tial mi vialte kha fiang tein a chim.luke 24 kha rel chap.luke 24:27 Cun Jesuh nih Cathiang chungah, Moses cauk hna thawk in profet hna tialmi cauk hna tiang, amah kong aa tialmi vialte kha fiang tein a chimh hna.

Kan nunnak ahhin Jesuh Pathian hi a laifang centre cu a si.vawlei ahhin a nung mi nih Pathian cu kan herh dih,Pathian loin a nung kho mi kan si lo.Cucu ngeihchiatnak le kan duh lo bik mi kan cungah a tlun tikah zeidah kan kawl i,zeidah kan fuh Pathian a si ko caah Pathian cu kan nunnak ah a laifang centre a si.kan thinlung chungah vancung timi cu Jesuh kha centre a si ko,vancung kong kan chim poah ah cun Jesuh Pathian a ra colh cu caah Jesuh cu van le vawlei aa tonnak centre a si.Jesuh thawngin zeizong vialte ser a si i zeizong vialte cungah Jesuh cu a um i,piatanaa buaihbaihnak vialte a phisin kho tu Jesuh cu centre a si.khrihfa buu vialte cungah Jesuh hi centre a si.Cu caah zeizong vialte nih khupbil in Jesuh cu thangthat i,Jesuh min kha phuang i thangthat hlorh u sih,Jesuh cu centre a si.
Salm 103:1-2)1 Maw ka nunnak, Bawipa cuthang̣hat tuah!Ka sining vialte, a min thiang cu thang̣hat tuah u!2 Maw ka nunnak, Bawipa cuthang̣hat law zeitluk in dahzaangfahnak a ngeih khaphilh hlah.Minung bochan nak in Pathian bochan a tha deuh,zeizong kan tuah nak kipah minung hmai ah khuk bil loin Pathian hmai ah khuk bil in Pathian cu hlorh i thangthat deuh u sih,cucu nun teihnnak lam a si.Salm 118:8 Minung i bochan nakcun Bawipa i bochan cu a ̣ha deuh;Mark 11:30 Johan nih tipil a pek hna kha, Pathian sinin maw nawl kha a hmuh, minung sinin dah?” tiah a ti hna.

Pathian cu kan lungchung dihlak in kan i bochan lai,kanmah fimnak kha kan i rinh lai lo,fimchim tu thiang thlarau kha kan i sawm peng a herh nitin in fimchimtu thiang thlarau kan herh.minung cawnpiak le thlarau cawnpiaknak kan thleng dan thiam a herh i,thlarau cawnpiaknak bia hi dirh pi thiam mi nun cu kan theihthiam nak hnga thiang thlarau sawm hna u sih.Phungthlukbia 3:5 Bawipa kha na lung chung dihlak in i bochan lawNangmah fimnak kha i rinh hlah.1korin 2:13 Cucaah Thlarau a ngeimi hna sinah thlarau lei biatak kha a sullam kan chim tikah minung cawnpiakmi bia kha hmang loin Thlarau cawnpiakmi bia tu kha kan hman.

Jesus at the centre;Jesus is at the centre of the universe.According to the Bible, Jesus is the creator of the universe:
Jesuh cu sertu a si i van le vawlei dihlak i center a laifang a si.bible nih a kan chim ning ah cun Jesuh cu sertu a si tiah a ti.Jesuh khrih thawngin van le vawlei a um mi vialte hmuh khawh mi le hmuh khawh lo mi he a dihlak in Jesuh khrih thawng in sermi lawngte a si.nawlngeitu thlarau hna le uknak thlarau hna le thawnnak thlarau hna zong kha amah thawng cun a ser hna. Pathian nih van le vawlei hi a dihlak in Khrih thawng cun a ser.cu caah Jesuh khrih thawngin Pathian kan theih i ,Jesuh khrih thawngin van lei vawlei a um mi vialte dihlak hi ser a si caah,Jesuh cu sertu Pathian van le vawlei vialte dihlak a laifang centre a si.cu caah Pathian kan bia tikah Jesuh hi zohchih focus centre ah chia i, kan biak awk a si.

(kolose 1:16 )Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le thawnnak thlarau hna zong kha amah thawng cun a ser hna. Pathian nih van le vawlei hi a dihlak in Khrih thawng cun a ser hna i Khrih caah cun a ser hna.Jesuh cu Pathian sunpernak in a ceu i Pathian he aa lo taktak mi a si.van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.Pathian orhlei kam thut timi cu vancung ah thawnnak thil tikhawhnak he a thu tinak kha a chim duh mi a si.Jesuh cu pathian sunpernak pek a si i,cu sunpernak cu a hohman a hrom duh hna lo Jesuh khrih pakhat lawnglawng kha a si.pathian sunpernak pek i vancung lianngannak le tthawnnak thil tikawh nak he a thu timi kha a chim duh mi a si i,van le vawlei nawlngeihnak vialte cu Jesuh khrih nih a uk dih.

Hebrew 1:3 Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.Minung kan mithli vialte kha cu Jesuh khrih nih cun akan hnawh piak dih,sualnak in thihnak in le ngeihchiatnak ttahnak um loin mi vancung khua lei kal ding ah a kan khamh tu Jesuh khrih a si i ,a zungzal in pathian a si lai i,a thih kho lo mi pathian zungzal nung mi pathian cu pakhat lawnglawng cu a si.chan vialte tiangin a hmun ding Pathian a si fawn.
Biathlam 21:4 An mitthli vialte kha a hnawh dih hna lai.Thihnak a um ti lai lo, ngaihchiatnak le tahnak le fahnak zong a um ti lai lo. Thil hlun vialte cu an lo dih cang,” a ti.Cathiang cungah kan hmuh mi cu Jesuh nih cathiang bible chungah ,moses cauk tha thawk in profet hna tialmi cauk hna tiang amah Jesuh khrih kong aa tialmi vialte kha fiang tein a chim.luke 24 kha tam deuh in relchap.Cu caah bible cauk chungah a um mi dihlak hi Jesuh khrih kong lawngte a si,bible nih pathian a timi cu Jesuh khrih kha a si ti cu fiang tein kan hmuh khawh dih.luke 24:27 Cun Jesuh nih Cathiang chungah, Moses cauk hna thawk in profet hna tialmi cauk hna tiang, amah kong aa tialmi vialte kha fiang tein a chimh hna.

Mark 8:31-33)Jesuh Nih A In Lainak Kong Le A Thih Lainak Kong A Chim(Mat 16.21-28; Luk 9.22-27) 31 Jesuh nih cun a zultu kha a cawnpiak hna i, “Mi Fapa nih hin temhinnak tampi ka huah lai, upa hna le tlangbawi upa pawl hna le Phungbia cawnpiaktu saya hna nih an ka hlawt lai.Thihnak ka huah lai i ni thum hnuah ka tho than lai,” tiah a chimh hna. 32 Hihi fiang tein a chimh hna caah Peter nih kaa dang deuh ah khin a hei i kalpi i a mawhchiat. 33 Sihmanhsehlaw Jesuh cu aa mer i a zultu hna lei kha a zoh i Peter cu a mawhchiat ve i, “Ka sinin kal ko, Satan; zeicahtiah na ruahning hi minung ruahning a si, Pathian ruahning a si lo,” tiah a ti.Hebrew 1:5-9).5 Pathian nih a vancungmi pawl cu ahohmanh,“Nangmah cu ka Fapa na si,nihin ah na Pa ah ka cang,”a ti bal hna lo.Cu hleiah,“Keimah cu a Pa ka si lai i amah cu ka Fapa a si lai,”ti zongah a ti bal fawn hna lo.6 Pathian nih a fater cu vawlei cung i a thlah tikah,“Pathian vancungmi vialte nih amah cu an biak awk a si,” a ti.7 Cun Pathian nih vancungmi pawl kong ah cun,“Pathian nih a vancungmi hna cu thlitu ah a ser hna i a riantuantu hna cu meizik aha ser hna,” tiah a chim 8 Sihmanhsehlaw a Fapa tu cu,“Maw Pathian, na bawithutdan cuzungzal in zungzal tiang a hmun lai:
Na pennak cu dinnak in na uk.9 Ahmaanmi thil cu na duh i ahmaan lomi thil cu na huat;Cucaah cun Pathian,na Pathian nih cun an thim i,Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,” tiah a ti.

Lamkaltu 8:26-35)Filip le Ethiopia Bawi Kong:26 Bawipa vancungmi pakhat nih Filip cu a thawh i, “I tim law thlanglei ah vung kal law Jerusalem in Gaza ah a kalmi lam ah khan vung kal tuah,” a ti (Cu lam cu an hmang ti lo). 27-28 Cucaah Filip cu aa tim i a kal. Cu lioah cun Ethiopia mi tilditmi pakhat an khua lei i a tlungmi a rak um. Cu pa cu bawi upa pakhat a si i Kandeis ti zongah ti a simi Ethiopia siangpahrangnu tangka bawi kha a si. Amah cu Pathian biak awkah khan Jerusalem khua ah a va kal i a rangleng in a tlun lei a si. Rangleng aa citpah cun Isaiah cauk kha a rel. 29 Thiang Thlarau nih Filip cu a thawh i, “Va kal law khi rangleng khi va naih tuah,” tiah a ti. 30 Filip cu a va tli i a relmi cu Isaiah cauk chung bia a si kha a theih i, “Na relmi cu a sullam na hngal maw?” tiah a hal. 31 Cu bawi nih cun a thawh i, “Aho tal nih a sullam chimh lo cun zeitindah ka hngalh khawh hnga,” tiah a ti. Cun Filip kha rangleng cungah hin hung kai law ka sinah thu tuah, tiah a sawm. 32 A rak rel lengmangmi caang cu hihi a si:“Amah cu thah awkah hruaimi tuu bantuk a si,amah cu a hmul an meh tikah a awn-au lomi tuufa bantuk a si;bia kaa khat hmanh chim lo tein a um ko.33 Ningzahnak kha a in,chanhtu ahohmanh a ngei lo.Hi vawlei cung a nunnak cu a dongh cang caah a tefa hna kong khaahohmanh nih an chim kho lai lo.”34 Kha bawi nih khan Filip cu a thawh i, “Profet nih hin aho kong dah a chim, ka chim tuah; amah kong maw aa chim, midang kong dah a chim?” tiah a ti. 35 Filip nih cun a vun i thawh i, hi Baibal cang hin i thawk in Jesuh kong Thawngtha kha a chimh.Salm 118Ral Tei Lawmhnak Ca Thlacam1181 Bawipa cu a ̣hat i a dawtnak cu zungzal in a hmunh caahlawm tuah u!2 Israel mi nih,“A dawtnak cu zungzal in a hmun,” ti hna seh.3 Pathian tlangbawi hna nih,“A dawtnak cu zungzal in a hmun,” ti hna seh.4 Bawipa a ̣ihmi vialte nih,“A dawtnak cu zungzal in
a hmun,” ti hna seh.5 Lung sivang in ka umnak chungin Bawipa cu ka auh;ka auhnak cu a ka leh i a ka luatter.6 Bawipa cu kasinah a um caah zeihmanh ka ̣ih lo;minung nih cun ka cungah zeidah an tuah khawh lai?7 A ka bawmtu cu Bawipa a si caah,ka ral kha an sungh cu ka hmuh lai.8 Minung i bochan nakcun Bawipa i bochan cu a ̣ha deuh;9 bawi i bochan nakcun Pathian i bochan kha a ̣ha deuh.10 Ral tampi nih an ka kulh, sihmanhsehlaw Bawipa ̣hawnnakthawngin ka tei dih hna!11 A kaa kip in an ka kulh,sihmanhsehlaw Bawipa ̣hawnnak thawngin ka tei dih hna!12 Khuai zelh in an ka zelh,sihmanhsehlaw hlingbur kangh inan kang,Bawipa ̣hawnnak thawngin ka tei dih hna.13 Fak piin an ka tuk i an ka tei ciaomau,sihmanhsehlaw Bawipa nih a ka bawmh.14 Bawipa cu ka himnak le ka ralhruang a si,amah cu a ka chuahtu a si.15 Pathian mi hna thlam chung i ral teinak au thawng cu ngai hmanh:Bawipa ̣hawnnak a liannganmi nihkan ral cu a tei hna,16 a ̣hawnnak nih teinak a kan pek,a ̣hawnnak a liannganmi nih raltuknak hmun ah teinak a kan pek!” an ti. 17 Ka thi lai lo, ka nung ko lai i Bawipa nih a tuahmi thil kha ka chim hna lai.18 Fak piin dan a ka tat, sihmanhsehlaw thih ngaingai cua ka siang lo.19 Biakinn kutka cu ka hunpiak hna u,ka lut lai i Bawipa cuka thang̣hat lai.20 Hihi Bawipa kutka cu a si,miding mi lawng an lut kho lai.21 Bawipa, nangmah nih kathlacamnak na ka theihpiak i teinakna ka pek caah;nangmah cu kan thang̣hat!22 Inn satu pawl nih santlailo ah an rel i an hlawtmi lung cu,santlai bik lung a rak si ziar ko!23 Cucu Bawipa tuahmi a si,zeitluk in dah aa dawh!24 Bawipa nih a kan pekmi ni hi zeitluk in dah a ̣hat;hi ni ah hin i lawm u si law i nuam u sih.25 Kan khamh tuah, Maw Bawipakan khamh tuah.Bawipa, thluachuahnak kan pe ko!26 Bawipa min in a rami cu Pathian nih thluachuah a pek hna.Bawipa biakinn chungin kannih nih thluachuah kan rak in pek hna.27 Bawipa cu Pathian a si;kan cungah a ̣ha.Nan kut in thing nge kha i put in puai cu thawk u law biaḳheng kha vel u.28 Nangmah cu ka Pathian na si i kan lawmh;na lianhngannak cu ka thanh lai.29 Bawipa cu a ̣hat caah lawm tuah u,a dawtnak fek cu zungzal in a hmun.Salm 117Bawipa Thang̣hatnak Caah117:1 Miphun vialte hna, Bawipa cu
thang̣hat u!Mi vialte hna, amah cuthang̣hat u!2 A kan dawtnak fek cu a ̣hawng i zumhawktlak a sinak cu
zungzal in a hmun.Bawipa cu thang̣hat u!1.Pathian cu riantuantu cungnung bik/ lubik a si
Pathian cu a lubik a si caah rian kan tuan tikah kanmah thazang tuah khawhnak bochan loin Pathian bochan in pathian kut ah dirh in rian kan tuan tikah pathian aa phuang i a sunpernak a langh ,kan tuah khawh lo mi le kan sikhawh lomi cungah Pathian kan i bochan cun Pathian kut cak tthawnhnak kha kan mah thazang dernak ah aa phuang i Pathian a colhcang i a sunpernak a langh ,cu caah kan rian tuannak a lubik bik Pathian a si i ,kan nunnak hram bik le lubik cu pathian a si kha philh loin,kanmah thazang le fimthiamnak bochan in dirh loin in pathan bochan in i pathian thazang in dirhthiam kha a bia pi tuk hringhran.Pathiang thazang tthawnnak ah kan dirh ah cun a si kholo mi pakhat hman a um lo a si kho dih.
Isaiah 64:4 Amah aa bochantu hna caah cu bantukin rian a tuantu Pathian cu nangmah lawnglawng na si, nangmah bantuk cu ahohmanh nih a theih zong an thei bal hna lo a hmuh zong an hmu bal hna lo.

2.Rian kan tuan lio ah Pathian zong a tuan ve kanmah he
Vawlei ah rian kan tuan lio kanmah he Pathian rian a tuan ve ,Pathian nih rian a tuan timi cu kan chungah thlarau ah rian a tuan peng ve.cu chung muru i thlarau a colhcang bantuk in lenglei kan minung colhcang nak ah a langh ve.Pathian aw kan theih mi zong kan chung muru thlarau in kan theih khawh mi kha a si.cu kong ah cun zeitindah a si tiah cun pathian nih ka cungah rian a tuan ning keimah he Pathian nih a ka chim mi bia cu ka fa na tuah ding mi thil a ka ti pa 5 a ka chim i ,1.Bible na re lai, 2.thla na cam lai,a ka ti a dang pathum cu midang he riantuannak kong a si i pumpak i ka tuah ding cu bible rel le thlacam kha a si.nikhat cu ka sin a pit lo caan a phan le zei ka tuah ah ka nuam lo i,ka thlarau thazang a der tuk tikah ka nun buin a thi mi bantuk in ka nun si a vang,cu lio ah khua ka ruat mi cu zei tuah awk ka hngal lo tikah AwAw, Pathian nih pei bible na rel lai i thla na cam lai a ka ti kha timi ka lung a chuak tikah bible ka lak i ka rel thla ka cam i bible ka rel deuhdeuh a thawh deuh nun hnangamnak ka hmuh deuhdeuh i,cu ah cun nun a ka pemhter i, lam a ka hmuhsak than cu bible relnak le thlacam nak nih cun nun thar lam ah a ka hruai tha.cucu rian kan tuan lio ah Pathian rian a tuan ve,kan chung muru thlarau ah Pathian nih bia a kan theihtet tawn nak a si.cu caah Pathian aw theih zia thiam a bia pi ngaingai.
Philipi 2:12-13)
Vawlei Ah Arfi Bangin Ceu U
12 Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ̣tuan ko u,13 Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ̣tuan zungzal ko.
1korin 15:10 Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka tuan, asinain a ngaingai ti ahcun keimah nih ka tuan ti awk a si lo, Pathian vel ka chung i rian a tuanmi tuannak tu kha a si deuh.

3.Rian kan tuan lo caan zongah pathian cu a tuan peng koRian kan tuan lo lio kan i hngilh lio zongah pathian cu rian a tuan i ,a kan kilveng caah him tein kan i hlau than.ral hna kut chungah him tein kan luat.Salm 3:5 Bawipa nih a ka thlim i kaa hngilh,Bawipa nih a ka ven caah him tein kaa hlau ̣than.4.pathian nih a sak lo cun a satu hna riantuannak cu san tlaih lo a si.
Kan tuah mi thil kipah Pathian aa tel locun kan tuah mi kha san tlai lo a si mang bang a lo dih phakpalawng men meikhu bang a zuang dih than ko.pathian nih kan nun a veng lo cun kan i vennak khi san tlaihlo a si.himnak cu Pathian lawnglawng ah a um.ral hna kut chung le mithalo hna kut chung harsat nak chungin kan i veng ko nain Pathian tel loin cun kan nun cu hnachawlh bang 1minite ah a till i a lo ko.vengtu pathiang lawnglawng hi him nak cu a si.Salm 127:1 Bawipa nih inn cu a sak lo ahcun, a satu hna riaṇtuannak cu santlailo a si;Bawipa nih khua khaa ven lo ahcun,a vengtu hna hngilh loin an umnak cu santlailo a si.Fek tein dirhin pathian bochab i rian kan tuan peng ah cun a lak a si lai lo,kanmah le ka ti khawh mi thawkin pathian rian tuan in fek tein dirh in kan tuan awk rian a si.1korin 15:58 Cucaah ka u le ka nau hna, fek tein dir u law zeihmanh nih in thial kho hna hlah seh. Bawipa rian teimak tein nan tuannak ah cun i manh lo ngaiin um zungzal ko u, Bawipa rian nan tuanmi cu alak a si bal lo ti kha nan hngalh.

6. Pathian cu centre a si,zeizong vialte a mah sermi i,zeizong vialte a mah thawngin a um Jesuh khrih thawngin zeizong vialte ser a si dih i,zeizong vialte arak um,cu vialte cu a mah pathian Jesuh kha a si dih ko,cu caah sunpernak kan pek ding le kan upat ding le kan thangthat ding cu Jesuh kha a si ko,sunpernak lianngannak upat thangthat nak cu Pathian Jesuh lawnglawng kha kan pek a wk a si.Rom 11:36 Zeicahtiah zeizong vialte hi amah nih a sermi an si i zeizong vialte hi amah thawngin a ummi an si, amah caah an si dih. Pathian cungah sunparnak cu zungzal in um ko seh! Amen.Lamkatu 17:24-25)24 Vawlei le a cung i a ummi thil vialte a sertu Pathian hi vancung le vawlei Bawi a si i minung sermi biakinn chungah a ummi a si lo. 25 Cuhleiah Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo.

Mi tampi nih Pathian cu Biakinn chungah a um tiah an ruat nain pathian cu Biakin chungah a um mi a si lo cunglei Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo.cu caah Pathian cu minung nih kan tuah piak a herh lo a mah Pathian lawnglawng nih minung kha a kan tuah piak a herh mi a si.7.cungnung bik sinak sang bik Pathian centred laifang uktu lamhruaitu cu Pathian a si Pathian cu kan thinlung chungah kan chia i kan bochan peng ah cun kanmah lei ah a tan i,kan mah ralchan in a hohman an dirh kho lo a kan doh kho lo a ruang cu Pathian kan lei a tan caah a si.kan mah nih kan doh ding ral kha kan mah colhcang hau loin Patgian nih tawon a lak i kan lei a tan, cucu a mah Pathian kha kan thinlung chungah chia i aa bochan peng mi hna caah a si.Rom 8:31 Hi vialte hi kan lung chungah i chiah in zeitindah kan ti lai? Pathian cu kanmah lei i a tan ahcun aho nih dah an kan doh khawh lai?

1korin 4:7 Midang nakin cungnung deuh ah aho nih dah an ser? Pathian pek a si lomi na ngeihmi zeital a um maw? Cucaah cun nan hmuhmi cu alak in hei hmu hlah u law cu bang, zeitindah nan i porhlawt khawh?Midang nakin cung cuang deuh dingah an sertu hi pathian thiamthiam a si.kan ngeimi zeizong vialte zong hi kan mah nih kan tuah kho le kan ti khawh caah a si lo Pathian pek mi a si dih.kan ngeihmi chawva thilti zeizong vialte hi pathian pek mi a si timi kan theihlo i,midang neknak le phorhlawtnak ah kan hman sual a si cun le Pathian thangthat pe duh loin Pathian pek cia chaw le va cung lawng ah aa lawm mi kan si sual ah cun Pathian thinhunnak kan cungah a tlung sual lai caah a tu tein zei ah dah ka lawm Pathian cungah maw ka lawm maw le Pathian pek cia thluahchuah suingun chawva rumnak phaisa ah maw ti hi kan i zoh than lengmang a herh.kan i lawmhnak hi zeizong te dah a si timi hi kan theih fiang a hau,zeizong te kan ngeimi damnak hnangamnak le thluachuah hi Pathian pek mi a si lawnglawng a si.

9. Pathian tel pinak lo ah cun Pathian sinah hal u sih kan sinah pathian tel pi nak (If God is the main worker, ask him to work.)
Mi tampi nih midang nakin cungcuang le ti khawh deuh kan duh nain kan si kho lo tikah nahchuahnak thinlung ah aa sem i midang thangchiat i thah tiang lung a chuak i,mah caah a tha poah ah cun midang an thih zongah timi ruahnak tiang phan a si tawn,cucu zeiruangah a si tiah cun kan nun ah Pathian telpi nak a um lo caah a si i,minung ruahnak le thinlung menmen in cun midang ta hman chut i ,mah nih co a duh mi an tamnak le thih tiang ngam in midang cungcuangnak nahchuahnak kha a sem tawn, cu bantuk thinlung ruahnak na ngeih sual ah cun Pathian telpi nak na nun ah a um lo ti kha va theih law,pathian telpi nak na hmuh nak hnga caah Pathian kha sawm deuh,midang cungcuanhnak le teihnak ah lawmhpi kho tu na si lo ah cun Pathian telpi lo mi nun ah na um caah a si ti kha va philh hlah.

Jeim 4:2 Thil nan duh, sihmanhsehlaw nan ngei kho tung lo, cu tikah mi thah nan ngamh; thil ngeih kha nan duh, sihmanhsehlaw nan hmu kho tung lo, cu tikah nan i si i nan i vel. Nan duhmi kha Pathian nan hal lo caah nan hmu lo.
Mark 9:29 Jesuh nih, “Hi bantuk phun hi cu thlacamnak dah ti lo nih cun zeihmanh nih a thawl kho lo,” tiah a leh hna.
Thinlung le ruahnak thalo vialte le nahchuahnak vialte cu thlacamnak dah ti loin cun na thawl khawh lai lo i,cu vialte thawlnak ah cun thlacam in holhtheihlo te pawl zong kha hriammam a rak si i,cu caah holhtheihlo satan raldoh nak satan raldoh timi cu na ziaza thalo le lungput thalo te pawl cu a si i ,cucu thlacam in holhtheihlo in Pathian laksawng cu hriammam caah a si fawn.

10.Pathian laifang a si, Pathian a tihmi, bochan awktlak a simi an si lai, nawhthuh pek khawh lomi an si lai.Hruaitu vialte hna i cungnung bik Pathian a si.Hruaitu vialte centre cu Pathian a si fawn.Exodus 18:21 Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a tihmi, bochan awktlak a simi an si lai, nawhthuh pek khawh lomi an si lai.11. nawl ngeihnak sang bik a ngeimi Siangpahrang kha a nawl ngai u law1peter 2:13-14)13 Bawipa ruangah, nawl a ngeimi hna kha, an nawl ngai ko hna u, nawl ngeihnak sang bik a ngeimi Siangpahrang kha a nawl ngai u law14 that lonak a tuahtu hna dantat awkah le thatnak a tuahtu hna thangthatnak pek awkah a thlahmi bawi hna zong kha an nawl ngai ko hna u.

12. Moses Nawlbia le profet hna cawnpiaknak an sullam cu a siMidang nih ka dawt hna seh tiah na duh bantuk in midang cungah va tuah ve timi kha moses nawl bia cu a si.Matt 7:12 ?Mi nih kan cungah tuah hna seh ti nan duh bantuk khan midang cung zongah va tuah ve u; hihi Moses Nawlbia le profet hna cawnpiaknak an sullam cu a si.13.messiah cu a ngan bik cu a si
. 7 Zatlang lam ah mi nih upatnak kan pe hna seh ti kha an duh i, Saya, saya, ti kha an tlaihchan. 8 Sihmanhsehlaw nannih cu saya ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.9 Cun vawlei cungah hin ahohmanh, Ka Pa, tiah va ti hna hlah u, zeicahtiah Pa cu pakhat lawnglawng nan ngei i amah cu vancung khua i a ummi a si.10 Hruaitu ti zong duh hlah u, zeicahtiah Messiah lawnglawng hi nan hruaitu cu a si ko.
Matt 23:11 Nan lak i a ngan bik cu nan sal a si awk a si.

14. Na nawlbia nih a ka umpi zungzal i ka ral vialte hna nakin a ka fimter deuh.Pathian bia kan theih i kan lungchungah kan cinkeng peng ah cun cu Pathian bia nih a kan um pi i cu Pathian bia cu kan nunnak ralvengtu a si.kan ral nakin a fim deuh fawn.Cu pathian bia cu cawnpiaktu saya vialte cawnpiak mi nakin hngalhnak a kan pe deuh fawn.cu Pathian bia nih cun upa tar chimmi le cawnpiakmi nakin fimnak a ka cheu khawh deuh.Salm 119:98-100)98 Na nawlbia nih a ka umpi zungzal i ka ral vialte hna nakina ka fimter deuh.99 Na cawnpiaknak kha ka ruah hna caah,ka sayate vialte nakin ka hngal deuh.100 Na nawlbia kha ka zulh hna caah tar nakin fimnak ka ngei deuh.15. Keimah ah hin i peh u law kei zong nanmah he kaa peh ve Pathian he kan i peh ah cun a mah pathian zong kanmah he aa peh ve lai.pathian he kan i peh lo ah cun kan theih a tlaih kho lo,kanmah zong Pathian chungah kan um lo ah cun kan tlai kho ve lai lo caah Pathian he kan i peh i a mah Pathian zong kanmah he aa peh ve lai.
John 15:4 Keimah ah hin i peh u law kei zong nanmah he kaa peh ve lai. Mitsur nge nih amahte in thei a tlai khawh lo i a ruang ah aa peh lawngah a tlai khawh bantukin nannih zong keimah chung i nan um lo ahcun nan tlai kho ve lai lo.16. Pathian mi hna an herhbaunak lawng kha a bawmh si loin Pathian sin i chimmi lunglawmhnak bia tampi zong kha a chuahter.Kan herhmi le kan chambau mi lawng kha a kan bawm lo i lawmnak tam pi zong achuahter.2korin 9:12 Zeicahtiah nan tuahmi nih hin Pathian mi hna an herhbaunak lawng kha a bawmh si loin Pathian sin i chimmi lunglawmhnak bia tampi zong kha a chuahter.
Kolose 3:17 Pathian kan Pa cu Khrih thawngin nan lawmh caah nan tuahmi thil si hna seh, nan chimmi bia si hna seh Bawipa Jesuh min in si dih ko hna seh.Cu caah zeizong te kan tuah mi vialte le kan chimmi vialte hi Jesuh min in si dih ko seh.zeizong vialte hi Jesuh cu a si ko caah thangthatnak lianngannak upat nak le sunpernak cu Jesuh Pakhat lawnglawng kha kan pek awk a si ko.Jesuh cu centre a laifang a si ko.Amen.

Luke 24:13Emmaus Khua Lei Kalnak (Mar 16.12-13)13 Cu ni thiamthiam ah cun an lak i pahnih hna cu Emmaus an timi khua leiah an kal i 14 thil umtuning kong vialte kha an i ruah. Emmaus cu Jerusalem in khan sarih tluk a si. 15 Cu ti i bia an i ruah lengmang i an i ceih lengmang lioah cun Jesuh hrimhrim nih khan a hei fuh hna i an sinah cun a kal ve. 16 A hmuh cu an hmuh ko, sihmanhsehlaw an hngal kho lo. 17 Jesuh nih cun a thawh hna i, “Nan kal pah in zeidah pakhat le pakhat nan i ceih len ko?” tiah a ti. Cun hmaichia ngaiin an dir. 18 Cun pakhatpa, a min Kleopas a simi nih khan a hun thawh i, “Tunaite i Jerusalem khua ah thil a cangmi hi Jerusalem khua chung i a ummi ah nangmah lawng hi maw a hngal lomi na si hnga?” tiah a hal. 19 Cun anih nih, “Zei thil hen dah?” tiah a ti. “Nazareth khuami Jesuh cung i a tlungmi thil cu hen ta,” tiah an leh. “Hi pa cu profet a si i Pathian hmaiah mi vialte nih a chimmi le a tuahmi ah hmual ngeimi a si, tiah an ruah. 20 Kan tlangbawi upa pawl hna le a kan uktu bawi hna nih thah awkah an chanh i cun vailam ah khan an khenh chih. 21 Kannih nih cun amah cu Israel mi hna a luattertu a si rua lai tiah kan rak i ruahchan. Cu pinah cun, cu thil a umnak hi atu hi a ni thumnak a si. 22 Kanmah lak i a ummi nu a cheukhat nih kan khuaruah an kan harter. Zingkate ah thlan ah cun an va kal i 23 asinain a ruak kha an hmu lo. An ra kir i vancungmi an i langh kha kan hmuh hna i cu hna nih cun, a nung, tiah an kan chimh, an ti. 24 Cun kanmah bu chungmi a cheukhat cu thlan ah cun an va kal i nu nih an chimningte khan an va hmuh, sihmanhsehlaw amah cu an hmu lo,” an ti.

25 Cun Jesuh nih cun a thawh hna i, “Nan va hrut thiam dah! Profet nih an chimmi zumh kha nan vaa harh hringhran dah. 26 Messiah nih hi thil vialte kha a sunparnak chung i a luh hlanah a in awk a herh a si lo maw?” tiah a ti. 27 Cun Jesuh nih Cathiang chungah, Moses cauk hna thawk in profet hna òialmi cauk hna tiang, amah kong aa òialmi vialte kha fiang tein a chimh hna.28 An kalnak ding khua cu an hei phan deng i cu tikah Jesuh nih cun hmailei i a kal rih lai bantuk khin aa umter; 29 sihmanhsehlaw an tlaih i, “Kan sinah tlung ve ko, zanlei a si cang i a muih zong a mui dengmang cang,” an ti. Cucaah anmah sinah cun a tlung. 30 Anmah sinah cabuai ah khan a òhu i changreu kha aa lak i thla a cam i changreu cu a beuh i a phawt hna. 31 An mit kha a hung fim i aho a si kha an hun hngalh; sihmanhsehlaw a lo than. 32 Annih nih cun, “Lampi i bia a kan ruah le Cathiang sullam a kan chimh ah khan kan chungah mei kang bang a si lo mei kha?” tiah pakhat le pakhat cu an i ti.
33 Hmakhatte ah an tho i Jerusalem ah an kir than. Zultu pahleikhat le a dang hna kha an rak i pum i, 34 “Bawipa cu a tho taktak ko. Simon nih a hmuh,” tiah an rak i ceih len ko. 35 Cun pahnih hawl hna nih khan lampi i thil a hung ummi le Bawipa cu changreu a hun cheu tik i an hngalhnak kong kha an chimh hna.

 

Jesuh Cu A Zultu Hna Sinah A Lang;(Mat 28.16-20; Mar 16.14-18; Jhn 20.19-23; Lam 1.6-8) 36 Cucu an chimh lengmang hna lioah khan Bawipa hrimhrim cu an lakah a hung dir i, “Nan cungah daihnak um ko seh,” tiah a ti hna. 37 An thin a phang an ning a òi i mithla kan hmu rua tiah an ruah. 38 Sihmanhsehlaw a thawh hna i, “Zeicahdah nan khuaruah a har? Zeicahdah nan lungawtawm in nan um? 39 Ka kut le ka ke hi zoh hna ngat u, keimah kha pei ka si ko hi. Ka tawng u law nan hngalh ko lai, mithla nih cun ruh le sa a ngeih tung lo, kei cu ka ngeih pei nan ka hmuh ko hi,” tiah a ti hna. 40 Cu bia a chim dih in a kut le a ke kha a hmuhsak hna. 41 An zum kho ngaingai rih lo, zeicahtiah cu thil cu si taktak awkah a tha tuk a lo i lungawtawm in an um ko rih. Cucaah, “Hika ah hin zei tal ei awk nan ngei maw?” tiah a hal hna. 42 Annih nih ngasa em cia pakhat kha an pek i 43 aa lak i an hmaiah cun a ei.44 Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an tialmi chung le Salm chungah keimah kong an rak tialmi vialte cu a tlin dih awk a si,” tiah a ti. 45 Cun an lungthin kha a hun pemh hna i Cathiang sullam kha an hun hngalh. 46 Annih cu a thawh hna i, “ ‘Messiah nih cun sifahnak kha a in lai i ni thumnak ni ah thihnak in a tho than lai, 47 cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa tial. 48 Cun nannih cu hi thil vialte a hngaltu tehte nan si. 49 Cun keimah hrimhrim nih ka Pa nih bia aa kammi kha nan cungah ka run thlah lai. Sihmanhsehlaw cunglei in thawnnak kha nan cung i a tlun hlantiang khuapi chung hin hngak ko u,” tiah a ti hna.

Jesuh Vancung Kainak(Mar 16.19-20; Lam 1.9-11)
50 Cun khuapi chung khan a chuahpi hna i Bethani khua tiang a kalpi hna. Khika ah a kut a hler i thluachuahnak a pek hna. 51 Thluachuah a pek lio hna ah cun an sinin aa then i vancung ah a kai. 52 Amah cu an biak i lunglawm ngaiin Jerusalem ah an kir i 53 an caan vialte cu Biakinn chungah khan Pathian thangthatnak caah an hman.

Credit: http://Anna Suihleisung Pathian Bia