India ram hi voi khat cu Thlapa cungah an rak kai bal cang na in hlawh tlin nak an hmu lo.cu hnu kum zei maw zat liam hnu ah a tu hi a thar in India Satish Dhawan Space Centre nih a voi 2nak cu Andhra Pradesh district ah a um mi sriharikota tikulh khua in Thlapa cungah cun a kai t’han lai tiah an chim.
India nih a tu tan ah Thlapa cung kainak ah a hman dingmi GSLV-Mk-III rocket cu an Satish hna nih July 15 khan felfai tein zoh fel nak an tuah dih cang i a tu ah cun a khua caan le an zuan caan suimilam an rel cuahmah cang tiah an chim.
Indian Space Research Organisation chairman AS Kiran Kumar nih a chim ningah cun kan i timh ning tein Thlapa cungah kan kai khawh a si ah cun Agust 14 ah khin cun Thlapa cungah phanh kan i tim cang i September 6 hrawngah khin Thlapa chung vawlei ah tlawnlen in hmunhma lak dingin timh tuahnak nganpi kan ngei tiah a chim.cun, thlapa lei panh in an kal pah zongah lampi in GSLV-Mk-III rocket felfai tein zohfelnak ngeih peng a si lai tiah a chim.
Cun,July 15.2019 ah khan a voi 2nak cu Thlapa cungah kai dingin timhtuah nak ngeih a rak si cang na in Thlapa cung kai nak dingah minutes 56 le 14 seconds a duh ah technical lei in thil hman lo a um sual caah rak cancel t’han a si.cu hnu ah a tu hi felfai tein thil tuah hnu ah India nih a voi 2nak Thlapa cung kai dingin timhlamhnak a ngeih mi a si.
