Afghanistan ram chung khuapi a si mi Kabul University Sianghleirun kutka bak ah bomb a puak i minung 4 an thih pin ah a dang minung 16 bak nih fak lak in hliamhma an tuar tiah an chim.cun, hi tibantuk in Bomb a puah lio ah hin Siang hleirun Ca cawng liomi hna Camipuai(Exam) a tuah ding an si,cu Camipuai(Exam) tuah dingin minung an i pumh cuahmah lio bak ah a puah hi a si tiah an chim.
Hi bomb puah nak konghe pehtlai in Kabul police biaphuangtu Ferdaus Faramarz nih cun Sianghleirun Ca cawngmi hna cu zingka suimilam 7:10 hrawngah Camipuai(Exam) tuah dingin an ra hna i,Sianghleirun kutka bak ah bomb a puah hi a si.a mah belte vanchiat lei vant’hat ah mithi le hliamhma a tuarmi an tam lem lo tiah a chim.
Cun,Mithi mi hna lak ah hin cu Sianghleirun Cacawngmi hna um kal nak a humhim tu traffic police minung pakhat a thi i hliahma a tuar mi hna lak ah hin Nu nau hngakchia hna zong tampi an i tel chih tiah a chim.Afghanistan,Public health ministry nih chim ve ningah cun hi bomb puah ruangah a thi mi hna hi minung 6 an si i a dang minung 27 hna nih hliamhma an tuar tiah a chim ve.
Asinain hi bomb a puahtu hna hi mi zei dah an si tiah theih khawh a si rihlo.cun, zei dah an duh i hi Sianghleirun inn thengte ah a tu bantuk in bomb hi an puah hnga? tiah dothlat cuahmah a si.Afghanistan ram chungah a tu bantuk in bomb an puah ah hin voi dangah cun nun nak pek bak in bomb hi ralhrang hna nih an puah tawn na in a tu cu nun nak pek in bomb puah a si lo caah cu bantuk ralhrang an si lai tiah ruah nak pakhat hmanh a um lo i,thil sining tu dothlat cuahmah lio a si tiah an chim.
Source.BBC
