Kachin ramkulh chung khuapi a si mi Winemaw khua ah a um mi hna LISU miphun pawl hna cu minung 9 hna cu Lo an kal nak in inn lei a rak tlun lio ah Kachin Independence Army pawl hna nih an rak tleih hna.asinain a tu ah cun an tleih mi cu an dih lak tein an thlah t’han hna tiah Lisu National Development Party hruaitu U Shwe Mintheih nih a chim.
Kachin Independence Army KIA pawl hna nih an tleih mi hna Lisu miphun minung 9 hna hi Sep 7 zanlei suimilam 5 hrawngah khan an rak thlah cang hna na in an thlah nak hna konghe pehtlai in zei hmanh an rak chim phuang ngam lo tiah U Shwe Min nih a chim.U Shwe Min nih cun LISU miphun an tleih mi hna cu zei ruangah dah Kachin Independence Army pawl hna nih an i tleih hna tiah biahalnak zong kan tuah cang hna tiah a chim.
Kachin Independence Army hna nih zei sual nak a ngeilo mi minung 9 an tleih mi hna kongah Kachin Independence Army an hruaitu hna zong ton biaruahnak kan ngeihpi hna tik ah Winemaw khuapi chung thil a cangmi kongah zei hmanh kan thei lo i an tleihmi hna Lisu miphun hna zong kan tong rih hna lo tiah an kan leh a ti.
An tleih ning hna cu Sep 6 zanlei sangah khan Kachin Independence Army minung 15 hrawng hna nih cun Khashi khua in meng 3 tluk hrawng a hlat nak ah thingtlang rian t’uanmi Lisu miphun hna cu zei hmanh chimlo in an va tleih hna.an tleih mi hna chungah hin Nu minung 4 an itel.Nanzawyan khua i Nansunn tlang ti mi ah sakhan an i tuah i cu an sakhan ah cun an umter hna hnu ah KIA lei in zei hmanh an chim lo an thlah t’han an si.an thlah mi hna zong nih zei hmanh an chim duh rih lo tiah a chim.
Credit: chindwinpost
