Kachin ram chungah kum 8 chung bak itukden nak a chuak mi konghe pehtlai in Drama an piah mi a tawlreltu pawl hna cu kawl cozah nih a tleih dih hna tiah theih a si.Kachin ral tiah kan theih mi hi kum 1961 lio in a rak i thawk cangmi a si.cun kum 1994 lio ah khan kawl cozah he remdaihnak cu an rak tuah cang. kum 17 chung bak i rem tein an um hnu ah kum 2011 kum a hung chuah bak in ral an tho t’han.
Cun kum 2011 in a tu tiang hi kawl cozah le Kachin karlak ah remdaihnak taktak a um kho rihlo.Kachin nih cun Kachin ral kan thawhnak a kum 8nak philh lo nak ding caah ti in a kum 8nak camtuak cu sunglawi taktak June 11 ah khan Myitkyina myo ah Drama an piah.Kawl cozah nih cu thawngpang a theih tik ah Drama an tuah mi kongah a tawlreltu hna chungin an lu cem a si mi hna minung pahnih hna cu an tleih hna.
Kawl cozah nih an tleih mi hna minung pahnih hna cu an mah kawl ralkap phunghram chungah an sermi section number 19nak in taza cuai dingah Myitkyina myo biaceih zungah cun biahri an tirh hna tiah an chim.kawl cozah ralkap le kachin independent Army an i kah hi kum 2011 june 9 in a si i kum 2019 june 9 ah hin a kum 8nak bak a phanh ni a si tiah an chim.
Kachin mino pawl hna nih Drama an piah mi le an tuah mi ah hin kawl ralkap le kachin ralkap hna karlak ah an buaibai ning vialte hna cu langhter dih a si caah a kawl cozah nih an remlo khun mi a si tiah an chim.cun hi Drama a tawlreltu hna hi kachin mino hruaitu Ma Saing Nu Pan le Ko Pawlu hna an si.an mah konghe pehtlai in an kong ceih cuahmah an si caah zei bantuk biachahnak le dantatnak dah kawl cozah nih a tuah piak hna lai ti cu theih a si rih lo tiah an chim.RFA