Palestine,Hamas pawl hna nih cun Israel cozah he remdaihnak an tuah hnu ah zahan ah khan Gaza ramri ah minung tam taktak nih buainak an tuah t’han rih t’hiamthiam i Israel ralvengtu hna nih an kah t’han hna.
A tutan i Israel nih Palestine ram mi hna cungah a hman mi hriamnam cu meithal bak a hman cang.cu hlan ah khan cu tear gass a rak hmanh deuh.a si na in kahdaihnak an tuah hnu ah mah bantuk in ramri ah buainak an ser t’han mi cu Israel ralvengtu hna nih meithal bak in an kah cawlh hna i minung pakhat an thah pin ah minung 30 renglo hna nih hliamhma an tuar.
Gaza Health Mininstry nih a chim ningah cun ramri ah Palestine mi hna nih buaibainak a tuahtu hna hi Israel ralvengtu hna nih minung 275 bak an thah cang hna i hliamhma a tuar mi hna hi minung 17,000 renglo hna an si cang tiah a chim.
Palestine pawl hna nih cun Israel he kahdaihnak tuah cang hmanh usih law kan mah ram a si mi cu kan lak t’han a hau tiah Israel ram chungah cun luh an i tim peng rih.cun Palestine pawl hna nih hin May 15 ni khi an ram chung mipi dih lak hna nih hmun khat ah Israel cozah sin ah an duhlonak langhter in lam zawh an i tim rih fawn tiah an chim.
Ref: AF
