Kalay In A Ra Mi Ralhrang Motor Sawmli Nih Kee Lam Ah Tedim Peng Khuate Inn Bauh In Thilri An Fir Piak Cuahmah Hna

Tedim Lampi Khuate ah SAC Ralhrang nih Inn an Bauh, Thilri an Fir.Nihin zinglei sml. 12:30 hrawng ah Kalay in Taingen ah a phanmi SAC ralhrang pawl cu Tedim lei kalnak lam ah a ummi Heinzing khuate ah an phan i, khuami inn an bauh i thilri an firpiak len hna, tiah thawng kan theih.

Khuami inn cheukhat chung i facang, computer le umkheng pawl an fir hna i vok pakhat an thah tiah khuami nih an chim.
Nihin zinglei ah khan Kalay in SAC ralhrang motor 14 le tank 2 Chinram ah an rak kai. Cun, chun 12:00 hrawng zong ah Kalay in SAC ralhrang motor 3 Chinram ah an rak kai chap.


Bomb Khor Chung ah Chungkhar ning in an Nunnak a Liam.Nihin zinglei sml. 9:00 hrawng ah Kayin ramkulh, Ba-an peng, Sinkpine khuate ah chungkhar minung 4 cu i dornak bomb khor an cawhmi chung ah an nunnak a liam.

An cawhmi kor hi pe 6 a thuk. Pe 14 a kau. A luhnak kua hi pe 2 a kau.Khor chung ah oxygen dawp awk a um lo ruang ah maw an thih, asiloah, khor chung fikfa sii an kahmi khuvai ruang ah dah an thih timi fiang in theih a si lo.

Credit: The Chin Journal

Author: Salai Ephraim