Kalay in Gangaw lei a kalmi zei bantuk mawtaw paoh kan kah cang hna lai

Kalay in Gangaw lei a kalmi zei bantuk mawtaw paoh kan kah cang hna lai Kahdohnak ruangah Kalaymyo le Gangaw karlak ah mawtaw in umkal hlah u tiah PDF Kalay nih kan thanh lengmang cang.Tuzing in Gangaw peng Namkha le Htay Hlaw khua karlak ah PDF le ralhrang kahdohnak fak ngai in a um.

Ralhrang nih umkalnak ah mawtaw sawhsawh an hman lengmang. Cucaah Kalaymyo in Gangaw lei ah zei bantuk mawtaw hmanh kal hlah u tiah ralrin kan in pek than hna. Mawtaw a kalmi cu zei bantuk an si zongah kan kah hna ko hna lai, ti kha hlankan in kan in theihter hna.People’s Defence Force (Kalay)

 

Relchap: Zan dai, michokvai um lo hnuah na ei a bao tuk ah cun ralhrang pawl nih Ruangtlang in nan inn leiah bomb an rak kah khawh.Annih cu an minung umkalnak an i theih dih caah CDF minung aa chokmi an baih hna, tiah an ruah lai.cu lawng a si lo,na ui a bao ruangah innpa chakthlang an lau dih i lungzawtnak ngei pawl caah tih a nung fawn.

Cun ralhrang pawl cu nan theih cia bang, mipi umnak zawn i bomb thlah le meithal kah poi an ti lo.sualnak ngei lo mipi nunnak zong tam tuk an thah cang.Hakha khuachung zongah ruahdamh in bimb voi zeizat dah an thlak cang.

Na uico a bao ruangah nan innpa le sang caah tih a nung.Ralhrang he kan i do lio a si.Cucaah na eico na dawt ah cun muika in inn chungah erh zokzok.Cun zan dai ah nan pawngkam ah uico a baomi cu innpa chakthlang zong nih nan daihter khawh lo ah cun a thah zong in thah cio a hau.

Cun a bao lengmang mi uico cu mipi a rungvengtu CDF minung hna ca zongah tihnung tuk mi a si.Na hrinmi na fanu, na fapa le hna him tein lutchuak hna seh ti na dih ko ah cun na zuat mi uico bao lo dingin lam khatkhat in na fim hrimhrim a herh.na fim khawh lo ah cun fimpi na herh tinak a si.

Credit:Hakha Campaign For Justice