Kalay Myo Tawakung kah doh nak ah PDF kalay pasal tha pakhat a nunnak a liam

Kalay Myo thlang lei Tawakung kam ah Aug 3 ah SAC Ralhrang le Mipi veng tu Ralkap hna cu an i kap i hriam ngan nih a khen ca ah Kalay-PDF pasal tha pakhat nih a nun nak a pek,mah a nun nak a liam mi hi Woy min Taw kum (19) a si ti ah thawng kan theih.

Mah kah doh nak ah Mipi veng tu ralkap lei in minung 3 nih a fak lem lo in hliam hma an tuar i SAC Ralhrang lei in a thi mi an tam ti ah thawng kan theih,Kalay-PDF Battalian 6 a hruai tu a chim mi cu” a tu i a nun nak a liam mi kan ral kap hi Unau rual pahnih long an si a u pa zei tluk in dah a lung a hei fak ve la zei tluk in dah a ngaih a chiat la,a thi mi kan ral kap hi kum 19 long a si i, siangin kai lio mi te lomg a si nan a tu mah ban tuk in a hman lo mi thil a doh nak ah a nun nak a pek i Upat nak ka pek” ti ah a chim.

Tu ni Aug 4 zong ah Kalay Myo thlang lei Tawakung kam ah SAC Ralhrang le Mipi veng tu Ralkap hna PDF kalay,Pah-Kah-Pah Kalay,CNDF,CDF-KKG,RKDF phufonh hna an i kap cuah mah lio a si,mah i kah doh nak hi a fak chin leng mang ti ah thawng kan theih.

SAC ralhrang le Mipi veng tu Ralkap hna hi Aug 2 khan tu ni tiang an i kap cuah mah i mah kah doh nak hi a fak chin lengmang SAC Ralhrang sual nak ngei lo mipi pakhat zong an tleih i a n thah i mah ruang ah Tawakung khua mi hna hmun him nak hmun ah a tu hi an zam dih ti a thawng kan theih.

Souce: Zalen News

Author: Salai Ephraim