Kalay Myo Tayakung lei GTC kam i kah doh nak cu CNDF nih cathanh a chuah

Kalay Myo ,Taya kung ,GTI kam ah Aug 2 zing lei 6:35 in an i kap i zan lei 2:00 tiang hrawng kah doh nak a chuak,mah kah doh nak ah ral lam a rak sial mi SAC Ral hrang hna cu CNDF le KKG-CDF,PDF hna nih kan rak kah hna.

Mah kan i kah doh nak hi nrih niam tak tak in kan i kap i, mah kah doh nak ah SAC Ralhrang lei in a tlawm bik minung 7 hawng an thi i mitam pi nih hliam hma an tuar,kan nih ralkap lei phufonh hna cu a ho hmanh a thi mi zong kan um lo hliam tuar mi zong kan um lo.

Source: Chin National Organization

Relchap:Mandalay khuachung Myanmar Return Ranger Force phu hruaitu Bu Aung May telh in ralkap 10 hrawng cu Aungmaytasan (ေအာင်မြေသာစံ) peng an umnak inn ah SAC ralkap nih an luhhnawh hna i, August 1 ahkhan an tlaih hna, tiah dohthlennak tuahtu phu pakhat simi Mandalay People Rescue(MPR) nih an thanh. SAC ralkap 50 hrawng nih zinglei ah an tlaih hna, tiah MPR phu chungtel Ko Htat Aung nih RFA ah a chim.

“Sangchung ah ruahlopi in zinglei ah SAC ralkap pawl cu an lut i, an tlaihmi hna cu 10 leng an si lai, an min cu tlamtling in theih a si rih lo, inn pakhat chung i an um caah an dihlak in an tlaih hna. A luancia zarh chung ahkhan anmah phu hruaitu pakhat nih a rianṭuannak ah a phone a philhtak i, cu ruangah atu bantuk in tlaihkhih an tonnak hi a si kho tiah kan zumh” ti in a chim.

Tlaih a tongmi hna cu Mandalay Palace ah an kalpi hna i, atu tiang cu pehtlaih khawh an si rih lo, tiah a chimchap. A luancia July 17 ah MPR phu chungtel umnak inn 2 cu SAC ralkap nih an rak luhhnawh caah hriamthil zeimawzat an rak lakpiak hna, tiah MPR phu chungtel hna nih an chim.

Credit:The Chin Post

Author: Salai Ephraim