Kalay Pengah PDF Pasal Tha Rual Minung Paruk An Ruak Char An Si

Kalaymyo nee chung a si mi Yisin khua pawng teah mipi runvengtu ralkap le ralhrangbu hna cu nizan 6.2021 ni ah fak ngai in ikahnak a chuak,cu ti an i kah nak hmun ah cun mipi runvengtu Kalay PDF ralkap chungin minung 6 hna cu umhmun ah an kah thah hna tiah theih a si.


Hi konghe pehtlai in Kalay PDF nih a chim nak ah cun nizan ah khan Yisin khua pawng teah ruah lo in ralhrang le PDF karlak ah i kahdohnak fak ngai in a chuah caah a hmun ah Kalay PDF pasal tha minung 6 cu ralhrang kut in an thi.cu mithi ruak cu 7.2021 tuchun ah lak an si tiah a chim.

 

Relchap: Hakha khuachung ah bomb tel in meithal thawng pehtlai in a thang than, aa hliam mi an um September 7, Hakha khuachung ah bomh tel in meithal thawng pehtlai in atu hi (Sept.7, 9:50 PM) a thang than, aa hliam mi zong an um, tiah kan theih.

“September 4 zaan lio bantuk khan Hakha khuachung ah meithal puah thawng a thang than. Kan innpawng cio ah a puak mi alo. Sangkip in puah thawng kan theih hoi ko. Chin Oo Si Sang ah meithal kuanfang nih a khen

i aa hliam mi zong a um,” tiah Hakha Sang thum in Sangmi nih The Hakha Times ah an chim.Nihin September 7 hi NUG nih D-Day aa thok cang tiah a thanh rualrual in Myanmar rampum huap ah kahdohnak thawng theih thluahmah a si.

Credit: Laica + The Hakha Times