Kan LaiNu Lengdawh Kalay Sianghleirun Ah A Kai Mi Pawl Caah Cun Lohtlau Bak A Si Ko

Kalay Sianghleirun University ah khin kan mah Chin miphun Ngaknu Tlangval hna tampi fim a cawngmi an um i cu fim a cawngmi hna kong he pehtlai in Halkha khuapi chungah a um mi Daw Zin Dawte nih a chim mi hi t’ha tein rak rel ve hmanh ngaih chia taktak khi a si.

Daw Zin Dawte nih cun Kalay Sianghleirun University ah Halkha um mi kan Lainu tampi hna cu fimnak cawn ah an ra.asinain in cu fimcawn ah a ra mi hna Ngaknu tampi hna cu Kawl pa he an i kom hna i Kawlpa nih an duh taktak t’ung hna lo tik ah Lakfa an pawiter hna i Fa an neih tik ah hngakchia zohkhenhtu neilo in an rak ap mi hna tampi an um cang tiah a chim.

 

Cun Kalay Sianghleirun University kai lio mi hna chungin mah bantuk lakfa a nei mi hna hi a tam bik cu kan mah Chin ram khuapi a si mi Halkha lengdawh pawl ko hi an si tiah a chim fawn.

 

Cun kan Lainu tampi hna cu Yangon ah fimnak cawng ding in Sianginn kai ah an kal i kaw pa he an va i duh tik ah mi tampi cu Lakfa he an rak kir.hi tibantuk in kan Lainu hna nih Lakfa a nei mi hna hi a tam deuh hna cu Kawlpa he a duh mi an si tiah a chim.

Cun Daw Zin Dawte nih cun hi tibantuk in bia ka chim mi hi Lakfa a nei mi hna ka nih sawh hna si lo in kan Miphun nih mah bantuk thil kan ton cuahmah mi hna cu, hmailei ah kan ton ti nak hnga lo caah ka chim duhmi a si deuh tiah a chim.

 

Credit: myanmarchins