Kan Pu Trump Cu Aa Chuih Pah Chin Lengmang

American ram Politics ah President Donald Trump hi uarlo bik mi hna min cazin chungah aa tel cuahmah cang.Polls kip ah teinak a hmuh nak pakhat hmanh a um loh.minung pulrai “Coronavirus pandemic” ruangah le minak pa thih nak ruangah a chuak mi “Black Lives Matter movement” ruangah cu hlan i Trump a rak dirkamhtu hna mit’hawng t’ha tampi nih Trump cu an chuah tak cuahmah cang.asinain a tu tiangah Trump nih a chim pengmi cu Pathian thawngin “teitu” ka si hrimhrim lai tiah a chim.

President Donald Trump nih a tu bantuk in a in tuar mi harsatnak a phunphun khi US ram uk bawi dangdang hna cungah chuak or tlung ve sehlaw zeidah an lawh hnga? campaign hmanh t’hia t’ha in an tuah zuam ve hnga maw! Pu.Donald Trump nih cun thachia lo tein Polls ah siseh, a mah pumpak biachim an ngaih zuam lo nak hmun zongah teima tein “campaign”a kalpi cuahmah.minung tlawm tete in a bia an ngaih piak zongah “teitu”cu kei mah ka si lai a ti khawh peng ko rih.


Cu tluk in harsat nak a ton cuahmah lio ah cun Russia mercenaries nih Trump kongah thanhnak a tuah mi cu Trump nih a thli in Taliban ralhrang hna he pehtlaih nak a nei tiah New York Times article chungah an langhter mi tampi hmuh khawh a si.hi ruangah US cozah ralbawi tampi hna zong an lung a hring i Trump hi cuhlan bantuk in an zoh ngam ti lo ti a si.zahan zan ah Fox Business Network nih Trump cu interview an tuah.Trump nih bia tampi a chim mi chungin pakhat te cu Pulrai Covid 19 hi a tlau in a tlau hrimhrim lai tiah a chim.

Minung Pulrai Covid19 kongah Trump nih cu bia a chim mi cu Pitar nu Nancy Pelosi nih cant’ha la in fak taktak in lehnak a tuah t’han cawlh.President Trump nih Covid19 tlangrai cu a tlau in a tlau lai tiah a chim mi hi a lih le hrawkhrol lawng te a si.hi tlangrai Covid cu zei tik hmanh ah a tlau ding a si ti lo.Covid tlangrai thah khawh nak si chunh mi le sitlang zei zat hmanh Pu Trump nih ser sehlaw hi tlangrai cu a tlauter kho lai lo.lih lawng te a si tiah leh nak a tuah.hi Pitar Nu nih hin Trump mah ti a phomh than nak a sullam cu “disinfectant” si hneksak nak an rak tuah ka teah Trump nih White House Press briefing ah “disinfectant”nih tlangrai hrik cu minute pakhat chungah a thah khawh dih tiah nal deuh in a rak chim ruangah Trump cu zumh awk tlak a si lo tiah a vun phomh than mi hi a si.