Kan Unau ZOMI Or Tidim Party Pawl Hna Nih Kawl Cozah Ralkap Sermi Phunghram Remh An Duh Mi

Chinmi a si ko na in Chin kan si lo tiah bia a chim tawnmi Zomi Democratic Party pawl hna nih cun kum 2008 lio ah Kawl cozah ralkap hna nih an rak sermi phunghram pi ser siam dingah mah hi cu “remh”kan duh tiah an chim ve.cun, Chin state chungah Party tampi an um hna i,2008 phunghram cu sersiam t’han an duh dih.a bik in NLD party hna nih cun an chim ceih khun.asinain 2008 phunghram pi sersiam t’han nak kongah zei ngaingai cu biafiang theih khawh a si rih rua loh.

Zomi/Tedim Democratic Party pawl hna nih cun Kawl cozah nih 2008 lio ah a rak sermi phunghram pi remh/sersiam t’han nak kongah remh an duh mi kong an chim ve.July 15 ah khan Phunghram zohtu dingah Committee an sermi hna cu ton biaruahnak (meeting) an ngei i,cu ton biaruahnak chung ah cun Zomi Democratic Party pawl hna nih cun kum 2008 lio sermi phunghram pi chungah cun remh an duh nak a sullam hna cu an chim.

 

Chin state, party vialte hna sin ah kum 2008 lio a Kawl cozah ralkap nih a rak sermi phunghram chungin remh, hlawt, chap an duh mi kongah Phunghram zohtu dingah thim mi hna Committee hna sin ah hin Catlap 3765 renglo bak a phan cang tiah theih a si.hi chungah hin remh dingin a chuahpi mi hna hi Shan National Democracy pawl hna nih an chuahpi mi a tam bik. a pahnih nak ah Rakhine National Party pawl hna an si tiah theih a si.

Zomi Democratic Party pawl hna nih remh an duh mi hna cu Kawl cozah ralkap nih phunghram pi a rak sermi chungin chapter 1nak in 15nak tiang remh dih an duh.cun ram uk bawi pawl hna rian t’uan nak le Chin state dothlen nak lei ah dawnkhan tu thil neknoi tete thlen le remh, chap an duh mi hna hi 13 renglo bak a si tiah theih a si fawn.chapter 5nak ah remh an duh mi hi hmun 12 bak a si.chapter 1nak in 15nak tiangah hin a karlak ah remh an duh mi hi paper 50 renglo a si.

Credit: Free

Related Posts