Karen ramkulh Kawkarik khuapi chungah Karen ralkap DKBA, NCA um nak hmun ah ralkap 909 battalions renglo a hruaitu hna Ralbawi Lt. Col. Saw Wait Htoo cu October 5 zanlei suimilam 7:00 hrawngah mi zei ti theih lo mi hna nih a mah Inn chung bak ah meithal in an va kah i a nun nak a liam tiah theih a si.hi tibantuk in an kah lio ah hin Inn chungah Nu pakhat he lungduh bia an i ruah lio bak ah an va thah hi a si.
DKBA ralkap 909 battalion hruaitu Lieutenant Colonel Saw Wait Htoo hi Kawkarik khuapi chung Chawngtawng sang inn number 637 ah hmun ah khuasa a si.an thah lio ah hin Pi Naw Aye Moe ti mi Nu nih cun kei mah he hmun khat ah lungduh bia kan i ruah cuahmah lio ah mi zei ti theihlo mi minung pakhat cu AK 47 a rak i put i,zei hmanh chimlo in a meithal kuanfang zun 8 bak in a kah cawlh.asinain kei belte cu zei ti hmanh in a ka ti lo tiah a chim.
Cun, Lt. Col. Saw Wait Htoo a rak kaptu pa hi Lungyi a fenh i a mui hmai cu a fianglo na in mi taksa t’ha ngai mi le mi pumrua t’ha ngai mi a si fawn.inn chungah a rak luh ka ah hin a Lungyi cun a hmai a khup dih i a meithal a vun chuah Lt. Col. Saw Wait Htoo cu a t’angah kuaifang zun 5 in a kah,a keng lei ah zun 3 in a nawlh.cu hnu zongah kan um nak inn pawngkam voi tampi a kah hnu lawngah a kan kal tak tiah Naw Aye Moe nih a chim.
https://youtu.be/dQEDcL3-wSc?t=51
Hi konghe pehtlai DKBA thawngzamhtu nih a chim nak ah cun hi tibantuk in mithattu pa hi tleih khawh a si rihlo na in Palik he kan t’angti lai i a rauh hlan ah tleih khawh kan i zuam lai.cun, hi thil a tuahtu tleih khawh nak ding caah cun Palik t’hazaang si seh,Col. Saw Wait Htoo nih a hruaimi hna ralkap thazaang tiang in a herh ah cun kan hman lai tiah a chim.DKBA cu KNU in 1994 kum ah mindang iput in ralkap an rak dirh hnu ah 2012 khan DKBA timi min cu an bunh t’han.kum 2015 lio ah khan kawlram pum huap in kahdeihnak NCA ah min a rak thutu Tlangcung ralkap phun khat an si ve.Colonel Saw Wait Htoo ruak cu October 8 ah a ruak vui ding a si lai tiah an chim.
Credit: chindwinpost
