Kareni Ram Kulh Khuate Cheukhat Hna An Dir Hmun Le PDF Dirhmun Cu Zeidah An Lawh Te Lai Hi

Nihin Dimawso ah rammi rungvengtu ralkap le Council ralhraang pawl fakpi in an i kap.Karenni ramkulh, Dimawso peng ah zinglei sml. 9:00 thawk in Ralkap Council kuttang ralhraang hna le Dimawso PDF, KNDF, K. A tangti phu hna karlak ah kahdohnak fakpi in a chuak tiah PDF-Dimawso nih an thanh.

Council Ralkap thazaang 200 hrawng nih Dimawso peng, DawNganKha khuate ah an rak luh ca ah Kungtha khuate le ThaeSulay khuate ah kahdohnak fakpi in a chuak tiah an langhter.Ralhraang lei nih lamhla a kap kho mi hriamnam ngan an hman pin ah inn cheukhat an hrawh i umhmun an khuar, ti zong an telh.Credit:TheHakhaPost

 

Relchap: Hakha Dawrthar Sang ah Nu Pakhat Telh in Minung 6 an Tlaih hna. September 25 deilei sml 4:00 le 5:30 karlak hrawng ah SAC ralhrang nih Dawrthar sang ah nu pakhat telh minung 6 an tlaih hna, tiah thawng kan theih.

Sang upa pakhat nih, ”Tuzing ah ka nuapa an tlaih. Kan inn an theih i timh ciammam tein an ra i an tlaih ko rua tiah ka ruah. Ka naupa cu a nupi nih a zulh ve,” tiah a chim.

Tuzing an tlaihmi hna lak ah Bank tangka chuah ah a kalmi le Hmung Family i an Driver pa zong an i tel hna.An tlaihmi hna hi atu Hakha palek sakhaan ah chekhlatnak an tuah cuahmah lio hna a si, tiah kan theih.

Credit: The Chin Journal

Author: Salai Ephraim