Kawl Cozah An Soisel Ruangah A Khuang Than Cang Biahri A Tirh Than Cang Hna

Kawl cozah ralkap cawlcangh konghe pehtlai in kawlram minthang mulcawl film sertu Min Htin Ko Ko Gyi nih a mah FB chungah a cozah ralkap sining cu piang hlang taktak in a post ruangah Kawl cozah nih taza cuai dinginbiachahnak a tuah i,Min Htin Ko Ko Gyi cu tuchun ah a cozah nih biahri an tirh tiah theih a si.

Hi konghe pehtlai in a luancia thlathum lio ah khan Kawlram ah human rights film festival tuah a si.cu human rights film festival an tuah nak ah cun Min Htin Ko Ko Gyi hi director a si i, a mah le human rights film festival tawl reltu hna nih a Kawl cozah ralkap konghe pehtlai in FB ah ca an rak post bal cang,curuangah cun mah hna pawl hi voikhat an rak tleih bal cang hna tiah an chim.

Cun, a tutan zongah Min Htin Ko Ko Gyi nih cun a mah FB chungah Kawl cozah ralkap hna nih Kawlram chung politics lei ah a thli tein rian an t’uan ning le a cozah nih thil t’halo an tuah mi hna cu muicawl in film a ser i a FB in a post.cu pin ah Kawl cozah ralkap nih kum 2008 lio ah phunghram an rak sermi remh t’han khawh nak dingah civil cozah ser an timh mi kongah soisel nak a post chih fawn.

Min Htin Ko Ko Gyi nih hi thil a post ruangah Kawl cozah nih cun Myanmar colonial era penal code section 505(a)nak hmang in taza cuai i a kong ceih piak dingin a timh.cun, Kawl cozah nih cun Min Htin Ko Ko Gyi nih ningcanglo in Kawl cozah le a ralkap cu kan thang chiattter a kan timh tiah an chim.cun, thawnglatu tampi hna nih cun Kawl cozah nih telecommuncation law lei zong in an tongh chih khawh men tiah an chim fawn.

Cresit: vanglaini