Kawl cozah nih caan zei maw zat chung Chin state chungah le Rakhine state chungah internet line a rawh piak hna i internet line chia taktak in a pek hna pin ah cu nak fak in a tu cu rawh piak t’han dingin timhlamhnak an ngei tiah theih a si.hi konghe pehtlai in Norway mobile operator,Telenor Group hna nih cun June 21 in internet shutdown a si hnu ah kawlram transport and communication ministry cun Rakhine state chung vialte le Chin state chung khuapi panga hna cu rawh piak chap an si lai tiah an chim.
kawlram transport and communication ministry internet line rawh nak konghe pehtlai in a rak chim ningah cun Rakhine state chung le Chin state chungah internet line rawh piak a si mi hna cu Sep 1 ah khan siam piak/nunter t’han a si lai tiah a rak chim.asinain kawl cozah nih a duh t’han lo in internet line cu a block piak t’han hna i khua maw caan te lawngah cikhat a nunter i a thih ter t’han tibantuk in line a pek hna tiah an chim.
Kum 2017 lio i Kawl ram ralkap pawl hna nih Rohingya muslim pawl hna cungah tukden nak an chuahter ruangah vawlei pi nih Rakhine state cu an vun theih i vawlei cung thawngpanglatu hna nih Rakhine state cu dothlat mi ah a hung cang.UN le ramdang dang mi hna zong nih kawl cozah ralkap hna cawlcangh ning cu dothlat nak biatak tein an vun thok tik ah kawl cozah nih cu thawnglatu hna lak in a thuh khawh nak hnga caah hi thil hi a tuah mi a si tiah an chim.
Cun,UN le ramdang mi hna nih kawl cozah ralkap sual an phawt nak hna cu a cozah ralkap hna nih cun hi thil hi kan tuah mi a si lo.a mah belte Rohingya muslim pawl hna sin ah hriamnam kan hman nak a sullam cu Rohingya muslim ralhrang pawl hna nih ramri border post buaibainak an tuah ruangah an cungah hriamnam kan hman nak a si tiah an chim ve.Rakhine le Chin state chung um minung a sing leng nih AA Arakan Army hna le kawl cozah ralkap i kah nak raungah an ram an chuah tak cang tiah UN Office for the Coordination of Humanitarian Affairs nih a chim fawn.Vanglaini