Kawl Cozah Nih December Thla In Generel Aungsan Mui Cuang Phaisa An Chuah Cang Lai,An Chim Mi Cu

Kawl cozah nih Generel Aungsan mui cuang phaisa hman dingin timhtuahnak an ngeih mi cu kum donghlei December thla in chuah a si cang lai tiah an chim.hi konghe pehtlai in Myanmar Central Bank, Vice president Soe Thein nih a chim ningah cun kawl ram pumpi chungah December thla in cun a mi zei paoh nih Generel Aungsan muisam a cuang mi phaisa hman dih a si cang lai tiah a chim.

 


Cun, kawlram pumpi chungah Generel Aungsan muisam a cuangmi phaisa a hmanglo mi paoh cu an phaisa cohlan an si ti lai lo.Myanmar Central Bank, Vice president Soe Thein nih kawl ram chung phaisa konghe pehtlai in hi tibantuk bia a chim mi hi Naypyidaw ah a voi 3nak rampumpi huap in press confrence ton biaruahnak an tuah nak ah a chim.

 

Cun, kawl ram pumpi ah Generel Aungsan muisam a cuangmi phaisa hmang dih dingin a hermi hna cu felfai tein tuah a si cang.hi thil tuah ding in Myanmar Central Bank lei nih kan tawl rel nak chung a sau tuk cang tiah Vice president Soe Thein nih a chim.

 

Generel Aungsan muisam a cuangmi phaisa kongah kum 2018 lio in Pyitu Hluatdaw nih fehternak a rak tuah mi a si. cun, kawlram pumpi huap in a voi 2nak press confrence an rak tuah lio ah khan NLD cozah nih kan mah cozah nih nih tuah hrimhrim dingin biachahnak zong kan rak ngeih bal cangmi a si tiah an rak chim.

Credit: Free