Kachin pastor Dr.Hkalam Samsin nih kawl cozah ralkap hna nih a miphun chungah an tuah ser nak le Khrihfa mi hna cungah hremnak,ningcang lo in thah nak thil an tuah mi vialte hna cu kan hnung lei ah khan America president Trump sin ah hmai tonh tein a chim dih pin ah kawl cozah ralkap hna cu America nih dantatnak nan kan tuah piak hna an hau cang tiah nawlpatnak a tuah.curuangah kawl cozah nih cun Dr.Hkalam Samsin cu taza cuai dingin timhlamhnak an ngei.
Dr.Hkalam Samsin le kawl cozah karlak thil um mi konghe pehtlai in America Foreign secrectary nih cun hi tin a chim.kawl cozah nih Dr.Hkalam Samsin taza cuai an timh mi cu Sep 9 ah khan kawl cozah nih taza cuai nak ding caah statement an chuah mi vialte hna hna cu an ngol i Dr.Hkalam Samsin cu zalon nak an pek t’han tiah a chim.hi ruangah American Baptist Churches USA zong nih kawl cozah nih Dr.Hkalam Samsin taza cuai lo dingin an ngol mi kongah lunglomhnak bia zong an chim tiah theih a si.
Cun, American Baptist Churches ah an GS a t’uan cuahmah lio mi GS Dr.Lee Spitzer nih cun kawl cozah nih Dr.Hkalam Samsin taza cuai an timh ruangah caan zei maw zat cu lungrethei le vaansang in kan um.asinain kawl cozah nih a timh mi a ngol t’han tik ah Pathian cungah kan i lawm tuk.hmailei zongah kawlram chungah a um mi kan khrihfa hawi hna nih zalong tein Pathian an thangt’hat khawh nak hnga ding caah le tlangcung khrihfa mi hna him tein an um khawh nak ding caah a tu nak fak in rian kan t’uan rih lai tiah a chim.
American baptist churches nih Dr.Hkalam Samsin le pastor Lanjaw Gam Seng hna caah kawlram cozah cu t’ihnung an si kho tiah US Secretary Mike Pompeo le UN General Antonio Guterres sin ah Ca an rak kuat cang.Kachin baptist Convention hruaitu a si ve mi Gum San nih cun Biaknak lei ah a kan hruaitu pawl hna cu bia hman ning tein a chim rel mi an si i,an chiat an a chiat ning le an t’hat ah a t’hat ning bak in biachim tu an si caah kawl cozah nih taza cuai an timh mi zong hi Dr.Hkalam Samsin nih cun a zei hmanh a poi lo tiah a chim.
Credit: buannelnews
