Kachin Baptist Convention president Rev. Hkalam Samson nih cun Kawl cozah ralkap hna nih Khrihfa mi hna cungah ningcanglo in rian an t’uanmi le minung nun nak tiangin an lak mi hna.Kawlram chungah Khrihfa mi hna nih zalon nak kan ngeih lo ning tibantuk etc..vialte hna cu kan hnunglei ah khan America president sin ah a chim cang.Rev. Hkalam Samson nih Kawl cozah ralkap konghe pehtlai in bia tampi a chim mi ruangah a kawl cozah nih Rev. Hkalam Samson cu tazacuai an timh tiah theih a si.
Rev. Hkalam Samson konghe pehtlai in kawl cozah nih thil t’halo tuah an timh mi ruangah America cozah cu a thin phang i Rev. Hkalam Samson ca lawng si lo in kawlram Khrihfa mi hna cungah a kawl cozah ralkap hna nih ningcanglo in harsat nak le hrem nak an pek mi vialte hna cu a ran nak in tawlrel piak dingin timhlamhnak zong a ngei tiah an chim.
Cun, kawl cozah ralkap hna nih Rev. Hkalam Samson cungah thil t’halo tuah an timh mi le tazacuai an timh mi ruangah Kachin ramkulh chungum Khrihfa minung a thongleng kai hna nih an inn lo an chuak tak t’han hmunhim nak lei panh in i dornak an kawl cuahmah rih tiah America cozah thawngthanhnak chungah a tel.
American president Donald Trump nih cun Kachin ramkulh chung buaibainak kong le Khrihfa biaknak cu a kawl cozah ralkap hna nih ningcanglo harsatnak an pek hna ruangah kawl cozah nih a tuar awk a si tiah a chim.cucaah kawlcozah ralkap hna nih Khrihfa mi hna cungah hi tibantuk in thil an tuah mi hna cu phungning tein August 9 ah biachah piak an si lai i an cungah dantatnak le hremnak pek awk an si lai tiah a chim.
Credit: chindwinpost