Kawl Palik thawngzamhtu Myo Thu Soe nih cun Rohingya Muslim a hua taktak tu le a ral taktak tu Buddhist Bin Laden tiah a min theih pengmi cu section 124 nak i puhmah (a)nak hmang in tleih dingah order a chuah taktak cang. Buddhist Bin Laden ti ah a min an chim leng mang mi hi a mah min taktak ah cun (Wirathu) ti a si.
Buddhist Bin Laden, Wirathu hi kawl ram chungi Buddisht nationalist movement ah an hruaitu le nawl nei taktak tu a si i Rohingya Muslim konghe pehtlaih in thil t’halo taktak a tuahtu a si pin ah a mah bak nih Rohingya Muslim pawl hna cu minung tam tuk a thah cang hna tiah an chim.
Cun a tu ah hin Buddhist Bin Laden nawlpek nak ruangah Rohingya Muslim pawl hna chungin minung tam tuk nih um nak Inn lo nei lo bak in a vakvai mi tam tuk an um tiah an chim fawn.
Cun Buddhist Bin Laden um nak khua hi Mandalay khua chungah a si.amah belte kawl palik pawl hna nih a mah tleih nak ding in Order an chuah hnu ah khua zei a um an thei ti lo i mipi ruahnak ah cun kawl ram chung ah um lo in ramleng ah a um t’heu lai tiah an ruah.
Buddhist Bin Laden hi kum 2013 lio ah khan Time magazine cover ah an rak cuanter i The Face of BudÂdhist Terror tiah an rak kawh i Rohingya Muslim pawl hna cu kawl ram chungah chawlet kho lo dingin a rak khap hna.cun Rohingya Muslim pawl hna cu Bengali miphun an si kawl ram chungah ningcanglo in a ra mi an si tiah a soisel hna tiah an chim.
