Kawl Cozah Nih Rakhine Ram Le Chin Ramkhulh Zei Maw Ah Internet Line A Phihmi Ruangah UN Nih A Nihsawh

Kawl cozah nih Chin ram kulh chung zei maw zat le Rakhine ram chung vialte ah internet line a phih mi ruangah UN expert special rapporteur Yanghee Lee nih cun,Kawl cozah ralkap pawl hna nih mah bantuk thil an tuah mi hi cu nihchuak menmen an si.hi thil an tuah mi ruangah kawl cozah ralkap hna nih an tuah mithil hna cu aa thuo kho dingah maw an i rel tiah a soisel hna tiah an chim.

Cun,kawl cozah nih hi tibantuk in Chin ramkhul chung hmun zei maw ah le Rakhine ram chungah a mah nawlngaihnak hmangin internet line a phih piak mi hna hi a taktak tiah Human Right (Nuhrin cove) zei ah a rel lo nak a langhter mi tu a si deuh.an mah nawl in mah bantuk thil tuah nak nawl an ngeilo tiah a chim.kawl cozah nih mah bantuk thil a tuahmi hi an rian t’uan ning a hman lo caah a si.

 

 

UN expert special rapporteur Yanghee Lee nih cu Myanmar human right rian t’uan nak konghe pehtlai in UN Human Rights Council hna sin ah fianter nak le thawngthanhnak a tuah i a chim ningah cun kawl cozah nih hi thil a tuah mi ruangah kawl ram chung khuapi pa kua 9 ah cun internet line hmang kho lo in i pehtleihnak an tuah khawh lo ruangah vava a tum mi tampi an um tiah a chim.

Cun Rakhine ram chung le hmun dangdang ah kawl mipi harsatnak a tongmi hna caah bawmhnak rian a t’uantu hna zong nih hi thil ruangah harsatnak an tong cuahmah caah kawl cozah nih hi thil a tuahpi mi civil mi hna a dohtu a si tiah cohlan khawh a si tiah a chim.kawl cozah nih internet line a phih nak a ruang cu june 19 ah khan kawl ralkap nih helicopter hmangin Minbya pengtlangum mi AA pawl hna cu a kah hna i,a thai zingah AA pawl hna nih kawl ralkap cu Sittway khuapi in an rak bawh ve hna i Sittway ah an chiahmi kawl ralkap tilawng an kal lio bak ah rocket in a kah ve hna ruangah an phih mi a si.

Author: Salai Ephraim