Kawl Cozah Nih Ramri Ngunkhuai A Lakmi Dihlak Ah USD tld.8 Bak A Tling Ve Ko

Kawl cozah nih a ramri dihlak, thlakua chung ngunkhuai a lak mi konghe pehtlai in fianternak a tuah i,thlakua chungah ramri in ngunkhuai kan lak mi cu a dihlak ah American dollar 8 billion renglo bak a phan kho Ministry of Commerce nih a chim.cun, kawlram Ministry of Commerce nih hi tibantuk in ramri ngunkhuai an lak mi konghe pehtlai in thawngzamhnak a tuah mi hi nikum October thla nikhat in 2019 june 28 tiang an lak mi lawng a si tiah an chim.

Kawlram Muse border trade center nih a chim ningah cun a cozah nih chawlehnak a tuah nak ah a lamkip in t’um chuknak a tong cuahmah kan ti ko na in ramri ngunkhuai an lak nak ah cun a cozah nih an i ruah lengpi in American dollar 8 billion renglo an hmuh mi hi a si tiah a chim.cun a cozah nih kum dangah ramri ngunkhuai a rak lak mi nak i a tutan thlakua chungah ramri ngunkhuai a lak mi cu USD tld 1.2 tluk in a tam deuh tiah an chim.

 

Cun,Kawl cozah nih a ram chung thil chuak ram dangah a kuat man cu thlakua chungah USD 850 million tluk in a tla.asinain a ram chungah ramdang thil luh man ngunkhuai a lak man hna cu USD 68 million tluk in an rak karh ve.hi ngunkhuai a lak mi hna lak ah USD til 3.8 tluk cu Muse border trade center nih ngunkhuai a lak mi a si tiah an chim.

Cun, Kawlram ramri hmung dangdang nih a ram chung thil luhter man ngunkhuai an rak lak ning cu an dih lak in USD 780 Million tluk in an karh cuahmah tiah an chim.Kawl cozah nih hin ramri ngunkhuai lak nak (border trade center) hmun 17 ah a neih.cu hna cu,”Muse, Lweje, Chin shwehaw, Kanpikete, Kengtung, Techilek, Myawady, Kawthoung, Myeik, Nabule/Htikhi, Mawtaung, Maese, Sittwe, Maungdaw, Tamu, Reik, Htantalan” hna an si.

 

Ref: irrawaddy

Author: Salai Ephraim